இளைய தலைமுறையினரிடம் கம்ப ராமாயணம் கொண்டு செல்லப்பட வேண்டும்

இளைய தலைமுறையினரிடம் கம்ப ராமாயணம் கொண்டு செல்லப்பட வேண்டும் என்றார் மத்திய சுற்றுலாத்துறை அமைச்சர் கஜேந்திரசிங் ஷெகாவத்.

- 

திருச்சி/புது தில்லி, மார்ச் 18:

தென்னகப் பண்பாட்டு மையம் சார்பில், திருச்சி ஸ்ரீரங்கம் சிங்கர் கோயில் வளாகத்தில் செவ்வாய்க்கிழமை கம்ப ராமாயண பாராயண நிகழ்வைத் தொடங்கி வைத்து அவர் பேசியதாவது:

கி.பி. 12-13-ஆம் நூற்றாண்டில் இயற்றப்பட்ட கம்ப ராமாயணம் கலாசார, இலக்கிய சாதனையாகும். இது தமிழகம், தென்னிந்தியா மட்டுமின்றி உலகளவில் பல நூற்றாண்டுகளாக ஆழமான தாக்கத்தை ஏற்படுத்தியுள்ளது.