அதிமுக மீண்டும் ஆட்சியைக் கைப்பற்றும் - எடப்பாடி கே. பழனிசாமி

அதிமுக மீண்டும் ஆட்சியைக் கைப்பற்றும் என அந்தக் கட்சியின் பொதுச் செயலாளர் எடப்பாடி கே. பழனிசாமி தெரிவித்தார்.

- 

தேனி, மார்ச் 2:

தேனி அருகேயுள்ள மதுராபுரியில் அதிமுக சார்பில் ஞாயிற்றுக்கிழமை நடைபெற்ற ஜெயலலிதா பிறந்த நாள் விழா பொதுக்கூட்டத்தில் அவர் பேசியதாவது:

அதிமுக ஆட்சிக் காலத்தில் தேனி மாவட்டத்தில் பல்வேறு தொலைநோக்குத் திட்டங்கள் செயல்படுத்தப்பட்டன. ஆனால், திமுக ஆட்சியில் கடந்த 4 ஆண்டுகளாக குறிப்பிடும் வகையிலான எந்தத் திட்டத்தையும் செயல்படுத்தவில்லை. முல்லைப் பெரியாறு அணை விவகாரத்தில் சட்டப் போராட்டம் நடத்தி, அணையில் தண்ணீர் தேக்கும் அளவை 136 அடியிலிருந்து 142 அடியாக உயர்த்தியவர் முன்னாள் முதல்வர் ஜெயலலிதா. அணையைப் பலப்படுத்தி நீர்மட்டத்தை 152 அடியாக உயர்த்துவதற்கு அவர் மேற்கொண்ட நடவடிக்கைகளை தற்போதைய திமுக அரசு கிடப்பில் போட்டுள்ளது.