பூண்டி ஏரிக்கரையில் 8 கி.மீ. தொலைவு நடைபாதை அமைப்பு

'நடப்போம் நலம் பெறுவோம்' திட்டத்தில் பொதுமக்கள் உடல் நலத்தைப் பாதுகாக்கும் வகையில், பூண்டி ஏரியில் 8 கி.மீ. தூரம் நடைபாதை சுகாதார வாசங்களுடன் அமைக்க நடவடிக்கை எடுக்கப்பட்டுள்ளது.

- சு.பாண்டியன்

இதனால், நாள்தோறும் 8 கி.மீ. தூரம் நடந்தால் உடல் நலம் பெறலாம். அந்த வகையில் நடப்போம் நலம் பெறுவோம் திட்டம் மூலம் ஒவ்வொரு மாவட்டம்தோறும் உடல் நலத்தைப் பாதுகாக்கும் வகையில் 8 கி.மீ. நடைபாதை தளம் பொது சுகாதாரத் துறை உள்ளிட்ட பல்வேறு துறைகளுடன் இணைந்து அமைக்க முதல்வர் மு.க.ஸ்டாலின் உத்தரவிட்டார்.

அதன் பேரில் பொதுமக்களின் நலன் மற்றும் ஆரோக்கியத்தைக் கருத்தில் கொண்டு, 'நடப்போம் நலம் பெறுவோம்' திட்டம் மூலம், தமிழகம் முழுவதும் அனைத்து மாவட்டங்களிலும், மக்கள் நடைப்பயிற்சி மேற்கொள்வதற்காக 8 கி.மீ. தூரம் நடைபாதை கண்டறியப்பட்டு அமைக்க நடவடிக்கை எடுக்கப்பட்டு வருகிறது.