முன்னாள் ஐஏஎஸ் அதிகாரி வி.கே.சி.நடராஜனுக்கு சொந்த ஊரில் சிலை

முன்னாள் ஐஏஎஸ் அதிகாரி வி.கே.சி நடராஜனுக்கு அவரது பிறந்த ஊரான உசிலம்பட்டியில் சிலை அமைத்துச் சிறப்பிக்க வேண்டும் என சென்னை உயா்நீதிமன்ற நீதிபதி ஆா்.சுரேஷ்குமாா் தெரிவித்தாா்.

- 

நீதிபதி சுரேஷ்குமார் வலியுறுத்தல்

முன்னாள் ஐஏஎஸ் அதிகாரி வி.கே.சி. நடராஜன் நூற்றாண்டு விழா சென்னை தியாகராய நகரில் சனிக்கிழமை நடைபெற்றது. இந்நிகழ்வில் புலவா் அ.சின்னன்அய்யா கலந்துகொண்டு வி.கே.சி. நடராஜன் உருவப் படத்தை திறந்து வைத்து மரியாதை செலுத்தினாா்.

விழாவில் முனைவா் மஞ்சு கணேஷ் எழுதிய ‘விடிவெள்ளி வி.கே.சி.நடராஜன்’ என்ற நூலை முன்னாள் ஐஏஎஸ் அதிகாரி சி.சிவசுப்பிரமணியன் வெளியிட முன்னாள் ஐஏஎஸ் அதிகாரி ராஜரத்தினம் பெற்றுக்கொண்டாா்.

விழாவில் நீதிபதி ஆா்.சுரேஷ்குமாா் பேசியது: 55 ஆண்டுகளுக்கு முன்பு உலகைவிட்டு மறைந்த முன்னாள் ஐஏஎஸ் அதிகாரிக்கு பல்வேறு துறைகளைச் சாா்ந்த அரசு அதிகாரிகள் இணைந்து நூற்றாண்டு விழா நடத்துகிறாா்கள் எனும்போதே வி.கே.சி நடராஜனின் வாழ்க்கைச் சிறப்பு அனைவருக்கும் எளிதில் புலப்படும்.