தாமதத்தால் வந்த வினை

கரூரில் தவெக தலைவரும் நடிகருமான விஜய் பிரசாரத்தில் 41 பேர் பலியானது, இந்திய நாட்டையே உலுக்கி உள்ளது. கேரளாவுக்கு அடுத்தபடியாக தமிழ்நாட்டில் தான் படித்தவர்கள் அதிகம் என புள்ளி விவரங்கள் கூறுகின்றன. ஆனால், கேரளாவில் சினிமாவையும், அரசியலையும் மக்கள் பிரித்து பார்க்கிறார்கள். தமிழ்நாட்டில் தான் இது சாபக்கேடாக அமைந்துள்ளது. திரை கவர்ச்சியை மூலதனமாக பயன்படுத்தி மக்களின் அரசியல் உரிமையை சுரண்ட முற்படும் நபர்களை எதிர்க்கவும் அடையாளம் காட்டவும் வேண்டியுள்ளது. அதனால் ரசிகர்கள் பின்னணியில் கால்பதித்தால் தமிழர்களின் உரிமைக்கு அது கேடு விளைவிக்கும்.

- 

இத்தனை உயிர்களை இழப்பதற்கு முக்கிய காரணமாக சொல்லப்படுவது விஜய், பிரசாரத்துக்கு குறித்த நேரத்துக்கு வராமல் மக்கள் கூட்டத்தை அதிகரிக்க செய்த தந்திரம் என பல்வேறு கட்சி தலைவர்கள், அரசியல் விமர்சகர்கள் கூறி வந்தனர். இதையே போலீசார் விசாரணையில் உறுதிப்படுத்தப்பட்டுள்ளது. இவ்வழக்கு தொடர்பாக நேற்று போடப்பட்ட எப்.ஐ.ஆரில் அதிர்ச்சி தகவல்கள் வெளியாகி உள்ளன.