மாற்றுத்திறனாளிகளுக்கான நவீன வசதிகளுடன் கூடிய ஸ்மார்ட் பஸ்

அறிவியல் மற்றும் தொழில்நுட்ப வளர்ச்சி என்பது ஒரு நாட்டின் முன்னேற்றத்திற்கு இன்றியமையாதது. இது மனித வாழ்க்கையின் அனைத்து அம்சங்களிலும் தாக்கத்தை ஏற்படுத்துகிறது. மேலும் வாழ்க்கை முறையை மேம்படுத்துகிறது. மாணவன் நினைத்தால் கண்டுபிடித்து கலக்குறாய்ங்க!

- 

அறிவியல் மற்றும் தொழில்நுட்பம் ஒரு நாட்டின் பொருளாதார வளர்ச்சியை ஊக்குவிக்கிறது. புதிய கண்டுபிடிப்புகள் மற்றும் தொழில்நுட்பங்கள் தொழில் துறையில் உற்பத்தித்திறனை அதிகரிக்கின்றன. இது பொருளாதார வளர்ச்சியை ஊக்குவிக்கிறது என்பது அனைவரும் அறிந்த ஒரு விஷயம். இதில் ஒரு அங்கமாக ஸ்ரீ ராமகிருஷ்ணா பெல் மேல்நிலைப்பள்ளியை சேர்ந்த மாணவர்கள் மாற்றுத்திறனாளிகள் மற்றும் கண் பார்வையாளர்கள் வசதிக்காக நவீன வசதிகளுடன் கூடிய 'ஸ்மார்ட் பஸ்' உருவாக்கி அசத்தியுள்ளனர்.

தமிழ்நாட்டில் பள்ளி புத்தாக்க மேம்பாட்டு திட்டம் மூலம் 9ம் வகுப்பு படிக்கும் மாணவர்கள் புதிய அறிவியல் புதுமைகளை கண்டறியும் வண்ணம் புதிய கண்டுபிடிப்புகளை செய்து மாவட்ட அளவில் காண்பிக்க அரசு மூலம் சுற்றறிக்கை வந்தது. அதன்படி மாவட்டத்தில் உள்ள 9ம் வகுப்பு படிக்கும் மாணவர்கள் தங்களின் அறிவியல் கண்டுபிடிப்புகளை மின் அஞ்சலில் பதிவேற்றம் செய்தனர். அதிலிருந்து சில பள்ளிகளை தேர்வு செய்து, ராணிப்பேட்டையில் உள்ள மாவட்ட ஆசிரியர் பயிற்சி நிறுவனத்திற்கு சென்று மாவட்ட அளவில் மாணவர்களின் அறிவியல் கண்டுபிடிப்புகள் காட்சிப்படுத்தப்பட்டது.

இதில் மாவட்ட அளவில் முதல் இடத்துக்கு ஸ்ரீ ராமகிருஷ்ணா பெல் மேல்நிலைப்பள்ளியை தேர்வு செய்தனர். இதில் மாணவர்கள் மகா அஸ்வின், யோகேஷ், நிக்கேஷ், சந்தோஷ், மணிகண்டன் ஆகிய 5 மாணவர்கள் மாற்றுத்திறனாளிகளுக்கான ஸ்மார்ட் பஸ் கண்டுபிடித்திருந்தனர். இந்த கண்டுபிடிப்புடன் மண்டல அளவில் போட்டியில் பங்கேற்றனர்.