விமல யோகம் என்ற சுபவிரய யோகம்!

பொருளை செலவு செய்வதால் ஏற்படுகின்ற யோகங்கள் ஏராளமாக உண்டு. அவற்றில் ஒரு சில யோகங்கள் சுபத்தன்மையோடு இருப்பது சிறப்பான யோகமாகச் சொல்லப்படுகின்றது. சுபத்தன்மையின் யோகத்தின் பொருள் என்னவெனில், எவ்வாறு அசுபங்கள் நிகழ்ந்தாலும் இறுதியில் ஜாதகர் சுபத்தன்மை பெறுவார் என்பதே அந்த யோகத்தின் உட்பொருளாகும். இது பொதுவாகச் சொல்லப்பட்டாலும், எல்லா லக்னங்களுக்கும் இந்த யோகம் சுபத்தன்மையை கொடுக்குமா என்ற கேள்விகள் வரத்தான் செய்யும். அவ்வாறு உள்ள யோகத்தை பார்ப்போம்!

- ஜோதிட ஆய்வாளர் சிவகணேசன்

விமலா யோகம் என்றால் என்ன? கிரக அமைப்பு என்ன?

ஒரு ஜாதகத்தில் பன்னிரெண்டாம் (12ம்) பாவகத்திற்குரிய கிரகமானது பன்னிரெண்டாம் பாவகத்திலேயே ஆட்சிப் பெற்று அமைவது விமல யோகம் என ஜோதிட சாஸ்திரத்தில் குறிப்பிடப்பட்டுள்ளது. சமஸ்கிருதத்தில் 'விமல' என்ற சொல்லுக்கு மாசற்றவன், தூய்மையானவன், சுத்தமானவன் என்ற பொருளுண்டு. இந்த யோகத்தை உடையவர்கள் அடுத்தவர்களுக்கு பொருளுதவி செய்யும் பொழுது தூய்மையான எண்ணத்துடன் செயல்படுவர் என்ற அமைப்பு உண்டு என சொல்லலாம். அவ்வாறு செய்யப்படுகின்ற அமைப்பை ஜோதிட சாஸ்திரம் யோகமாகச் சொல்கிறது. ஒரு ஜாதகத்தில் விரையம் என்று சொல்லப்படுகின்ற பொருளை செலவு செய்கின்ற இடத்தை பன்னிரெண்டாம் (12ம்) பாவகம் குறிப்பிடுகின்றது.

அவ்வாறு, விரையம் செய்யப்படுகின்ற பாவகம், விரையம் செய்யப்படுகின்ற பாவகத்தின் அதிபதி எந்த பாவகத்தில் தொடர்பு கொள்கிறார் என்பதையும் ஆராய்ந்தால்தான் இந்த யோகத்தின் தனித்தன்மையான சுபத்தன்மையை நாம் அறிந்து கொள்ள முடியும்.

விமல யோகத்தின் உட்பொருள்

பன்னிரெண்டாம் பாவகம் (12ம்) என்பது என்னவெல்லாம் வரும் என்பதை ஜோதிட சாஸ்திரம் சொல்கிறது என பார்ப்போம்.