అమరావతిలో మౌలిక వసతులకు రూ.904 కోట్లు కేటాయింపు

- ఎస్సీ వర్గీకరణ ముసాయిదా ఆర్డినెన్స్కు ఏపీ కేబినెట్ ఆమోదం - ముగిసిన సీఎం చంద్రబాబు అధ్యక్షతన జరిగిన ఏపీ కేబినెట్ సమావేశం

- 

-మొత్తం 33 అజెండా అంశాలకు మంత్రివర్గం ఆమోద ముద్ర

- కొత్త అసెంబ్లీ, హైకోర్టు భవనాల నిర్మాణానికి పరిపాలన అనుమతులు

అమరావతి-ఆంధ్రనాడు, ఆగస్టు 21: ఆంధ్రప్రదేశ్ రాష్ట్ర అభివృద్ధి, ముఖ్యంగా రాజధాని అమరావతి నిర్మాణ పనులే లక్ష్యంగా ముఖ్యమంత్రి చంద్రబాబు అధ్యక్షతన జరిగిన మంత్రివర్గ సమావేశం పలు కీలక నిర్ణయాలకు ఆమోద 'ముద్ర వేసింది. సచివాలయంలో జరిగిన ఈ సమావేశంలో మొత్తం 33 అజెండా అంశాలపై చర్చించి, వాటన్నిటికీ కేబినెట్ గ్రీన్ సిగ్నల్ ఇచ్చింది. అమరావతిలో మౌలిక వసతుల కల్పనకు భారీగా నిధులు కేటాయించారు. ఎస్సీ వర్గీకరణ ముసాయిదా ఆర్డినెన్స్కు కేబినెట్ ఆమోదం తెలిపింది.