టీచర్ ఎలిజిబిలిటీ టెస్ట్ తప్పనిసరి తీర్పు

ఇప్పటికే సేవ చేస్తున్న వేలాది మంది టీచర్లను పరీ క్షించడం కంటే, వారిని శక్తివం తం చేయడం సమాజానికి మేలు.

- - డా. అట్ల శ్రీనివాస్ రెడ్డి

ఇప్పటికే సేవ చేస్తున్న వేలాది మంది టీచర్లను పరీ క్షించడం కంటే, వారిని శక్తివం తం చేయడం సమాజానికి మేలు. ఇటీవల సుప్రీం కోర్టు ఇచ్చిన తీర్పు ప్రకారం, టీచర్ ఎలిజిబిలిటీ టెస్ట్ పాస్ కావడం భారతదేశంలోని అన్ని రాష్ట్రా ల్లో ఉ పాధ్యాయ నియామకాలు, పదోన్నతులు మరియు క్రమోన్న తుల కోసం తప్పనిసరి అయింది. ముఖ్యంగా 2010కు ముందు నియ మించబడిన ఉపాధ్యాయులు కూడా ప్రమోషన్ పొందాలంటే టెట్ పాస్ కావాలనే నిబంధన అమల్లోకి రావడంతో దేశవ్యాప్తంగా పెద్ద చర్చ మొదలైంది. దేశంలో ఇప్పటికే ఈ తీర్పుపై పదికి పైగా రివ్యూ పిటిషన్లు దాఖలు చేశాయి. కారణం ఒకటే “ఇప్పటికే విద్యాసేవలో దశాబ్దాల అనుభవం ఉన్న ఉపాధ్యాయులపై 2010 తర్వాత అమలు లోకి వచ్చిన కొత్త అర్హతా ప్రమాణాలను అమలు చేయడం న్యాయసమ్మతమా?" అనే ప్రశ్న ప్రస్తుతం ఉప్పెనలా ఉత్పన్నం అవుతోంది.

ఉపాధ్యాయుల భావోద్వేగ ప్రతిస్పందన : ఇప్పటికే రెండు లేదా మూడు దశాబ్దాలుగా బోధన చేస్తున్న వేలాది మంది ఉపాధ్యాయులకు ఈ తీర్పు మానసిక ఒత్తిడికి దారి తీస్తోంది. ఒక ప్రాథమిక పాఠశాల టీచర్ మనోభావాలకు అనుగుణంగా ఇరవై ఏళ్లుగా పిల్లలకు పరీక్ష భయం పోగొడుతూ నేర్పుతున్నాను. ఇప్పుడు నన్నే మరో పరీక్ష రాయమంటున్నారు. ఇది న్యాయం అవుతుందా? ఇది కేవలం అసంతృప్తి కాదు ఇది ఒక సైకాలజికల్ రియాక్షన్. వయసు, కుటుంబ బాధ్యతలు, ఆరోగ్య సమస్యలు ఉన్న మధ్య వయసు టీచర్లకు ఇది పరీక్షా ఆంక్సైటీని తిరిగి మేల్కొలిపే పరిస్థితి.

మానసిక విశ్లేషణ - స్వీయగౌరవం మరియు ఒత్తిడి: సైకాలజీ దృష్టిలో ఈ పరిస్థితి "ఎడ్యుకేషనల్ స్ట్రెస్ సిండ్రోమ్"గా పరిగణించవచ్చు.