భాగ్యనగర కిరీటంలో మరో ‘హరిత' కలికితురాయి

భారత్లోని అత్యంత వేగంగా విస్తరిస్తున్న మహానగరాల్లో తెలంగాణ రాష్ట్ర రాజధాని హైదరాబాద్ జంట నగరాలకు ప్రత్యేక గుర్తింపు, అదనపు ఆకర్షణ మరియు విశేష ఆదరణ ఉంది.

- డా: బుర్ర మధుసూదన్ రెడ్డి 9949700037

భారత్లోని అత్యంత వేగంగా విస్తరిస్తున్న మహానగరాల్లో తెలంగాణ రాష్ట్ర రాజధాని హైదరాబాద్ జంట నగరాలకు ప్రత్యేక గుర్తింపు, అదనపు ఆకర్షణ మరియు విశేష ఆదరణ ఉంది. నేడు ఈ మహానగర కిరీటానికి మరో కలికితురాయిగా 'ట్రీ సిటీ ఆఫ్ ది వరల్డ్-2020 (విశ్వ హరితసిరుల నగరం-2020)గా ఎంపిక కావడం తెలంగాణ ప్రజలను సంతోషంలో ముంచెత్తిందనడంలో అతిశయోక్తి లేదు. ఐరాసకు చెందిన 'ఆహార మరియు వ్యవసాయ సంస్థ (ఫుడ్ అండ్ అగ్రికల్చర్ ఆర్గనైజేషన్, యఫ్ఎఓ)' మరియు 'అబోర్ డే ఫౌండేషన్' సంయుక్తంగా నిర్వహించిన ప్రపంచ నగరాల హరిత సర్వేలో ఈ ఘనత భాగ్యమహానగరానికి దక్కడం విశేషంగా చెప్పవచ్చు. నగరాన్ని హరితమయం చేయడం, పచ్చని చెట్ల నీడన ప్రజా జీవనయానం సాగడం మరియు కొండలు గుట్టల ప్రాంతాలను హరిత దుప్పట్లతో కప్పడం, నగరం నిండా సుందర సుమధుర ఉద్యానవనాలు నిర్మించడం మరియు మహానగరమంతా చెట్లు శాఖలుగా విస్తరించడం లాంటి సఫల ప్రభుత్వ మరియు పౌర చర్యలు నగరాన్ని సుందర ప్రదేశంగా మార్చడంతో మహానగరాల్లో హైదరాబాద్కు అరుదైన ప్రపంచ అపూర్వ గుర్తింపు రావడం హర్షదాయకం. హరిత సిరులతో ఆరోగ్యం, ఆహ్లాదం, సుందరీకరణ, కాలుష్యం తగ్గుదల, ఉష్ణోగ్రతలు పడిపోవడం మరియు వర్షపాతం పెరగడం వంటి ఉ పయోగాలను గత కొన్ని దశాబ్దాలుగా హైదరాబాద్ వాసులు అనుభవిస్తున్నారు. ప్రపంచవ్యాప్తంగా 63 దేశాలకు చెంద