సిద్దిపేట పోలీస్ కమిషనరేట్ వార్షిక నివేదిక

2024 సంవత్సరంలో సిద్దిపేట పోలీస్ కమిషనరేట్ పరిధిలో 6233 కేసులు నమోదైనాయి.

- 

సిద్దిపేట: 2024 సంవత్సరంలో సిద్దిపేట పోలీస్ కమిషనరేట్ పరిధిలో 6233 కేసులు నమోదైనాయి. 2023 సంవత్సరంలో 531 కేసులు నమోదయ్యాయి, ఈ సంవత్సరం 5% నేరాలు పెరిగాయి. ఈ సంవత్సరం 25 మర్డర్ కేసులు నమోదైనాయి, 2023 సంవత్సరంలో 13 కేసులు నమోదైనాయి. ఈ సంవత్సరం దొంగతనాల కేసులు 709 కేసులు నమోదైనాయి, దొంగలించబడిన సొత్తు 31,097,968/- రికవరీ శాతం 40%, 2023 సంవత్సరంలో 670 కేసులు నమోదయ్యాయి. దొంగలించబడిన సొత్తు 37,385,833/- రికవరీ 43% సత్తు రికవరీ చేయడం జరిగింది. ఈ సంవత్సరం కేసుల డిటెక్షన్ పర్సంటేజ్ 60% చేయడం జరిగింది. ఈ సంవత్సరం 91 పోక్సో కేసులు నమోదైనాయి, 2023 సంవత్సరంలో 89 కేసులు నమోదైతే ఈ సంవత్సరం 75 నమోదయ్యాయి. ఈ సంవత్సరం 09 చైన్ స్నాచింగ్ కేసులు నమోదైనాయి, 2023 సంవత్సరంలో 05 కేసులు నమోదైనాయి.

రోడ్డు ప్రమాదాలు

ఈ సంవత్సరం 655 రోడ్డు ప్రమాదాలు కేసులు నమోదైనాయి, 283 మంది చనిపోవడం జరిగింది, 561 మంది గాయస్తులైనారు. 2023 సంవత్సరంలో 540 కేసులు నమోదైనాయి, 260 చనిపోవడం జరిగింది, 480 మంది గాయస్తులైనారు. ఈ సంవత్సరం మద్యం సేవించి వాహనాలు నడిపిన వారిపై 12,681 కేసులు నమోదు చేసి, 45 మందిని జైలు శిక్ష విధించడం జరిగింది. 2023 సంవత్సరంలో 973 కేసులు నమోదు చేసి, 28 మందిని మందికి జైలు శిక్ష విధించడం జరిగింది. ఈ సంవత్సరం 40 గంజాయి కేసులు నమోదైనాయి, 2023 సంవత్సరంలో 14 గంజాయి కేసులు నమోదైనాయి. గంజాయి ఇతర మత్తు పదార్థాలు వల్ల కలిగే అనర్ధాల గురించి గ్రామాలలో పట్టణాలలో 156 అవగాహన కార్యక్రమాలు నిర్వహించడం జరిగింది. పాన్ షాప్స్, కిరాణా షాప్, టీ కొట్లలో ఇతర అనుమానిత బహిరంగ ప్రదేశాలలో డాగ్స్ స్క్వాడ్ ద్వారా 162 ప్రదేశాలలో తనిఖీలు నిర్వహించడం జరిగింది.

ఈ సంవత్సరం రోడ్డు ప్రమాదాల నివారణ గురించి రాజీవ్ రహదారిపై అతి వేగంగా వెళ్లే వాహనాలపై స్పీడ్ లేజర్ గన్ ద్వారా ఈ సంవత్సరం 43,594 కేసులు నమోదు చేసి 45,076, 390/- జరిమానా విధించడం జరిగింది. 2023 సంవత్సరంలో 86,533 కేసులు నమోదు చేసి 8,95,27,414/- జరిమానా విధించడం జరిగింది. సిద్దిపేట పోలీస్ కమిషనరేట్ పరిధిలో నమోదైన కేసులలో నేరస్థులకు 48% శిక్షలు విధించడం జరిగింది. 2023 సంవత్సరంలో సిద్దిపేట పోలీస్ కమిషనరేట్ పరిధిలో నమోదైన కేసులలో నేరస్థులకు 47% శిక్షలు విధించడం జరిగింది.

ఇసుక దందా!