മറക്കരുത്, പണികിട്ടും

പ്രവാസി ഡിവിഡന്റ് സ്കിം

- 

ഭൂരിപക്ഷം പ്രവാസികളും സമയക്കുറവും അശ്രദ്ധയുംകൊണ്ടു ചില തെറ്റുകൾ വരുത്താറുണ്ട്. അതു പണവും വിലപ്പെട്ട സമ യവും വൻതോതിൽ നഷ്ടപ്പെടുത്തും. ചിലപ്പോൾ പിഴയോ മറ്റു നിയമനടപടികളോ നേരിടേണ്ടി വരാം. ഇത്തരം തെറ്റുകൾ ഒഴിവാക്കാൻ എപ്പോഴും ശ്രദ്ധിക്കണം.

സ്റ്റാറ്റസ് അപ്ഡേറ്റ് ചെയ്യണം

പ്രവാസിയായാൽ നാട്ടിലെ ബാങ്ക് അക്കൗണ്ട് ക്ലോസ് ചെയ്യണം, ഇല്ലെങ്കിൽ എൻആർഒ അക്കൗണ്ടാക്കി മാറ്റണം. എൻആർഐ ആയതിനുശേഷം റസിഡന്റ് അക്കൗണ്ട് ഉപയോഗിച്ചാൽ ഇന്ത്യൻ ബാങ്കിങ് നിയമലംഘനത്തിനു പിഴ വരും.

നികുതി/നിയമം പാലിക്കണം

നാട്ടിൽ വാടക, ഓഹരി മ്യൂച്വൽ ഫണ്ട് വരുമാനങ്ങളുണ്ടെങ്കിൽ അതിനു കൃത്യമായി നികുതി അടയ്ക്ക ണം, റിട്ടേൺ ഫയൽ ചെയ്യണം, പണം വിദേശത്തേക്കു കൊണ്ടുപോകാനുള്ള (repatriation) ടാക്സ് ക്ലിയറൻസ് എടുക്കണം. ഇല്ലെങ്കിൽ പല പ്രശ്നങ്ങൾ നേരിടേണ്ടി വരും.

KYC അപ്ഡേറ്റ് ചെയ്യണം

എൻആർഐ അക്കൗണ്ടുകളുടെ കെവൈസി സമയത്തു പുതുക്കാൻ മറക്കരുത്. ഇല്ലെങ്കിൽ ഫണ്ട് ട്രാൻസ്ഫർ, വായ്പ, നിക്ഷേപം എന്നിവ തടസ്സപ്പെടാം. അതുപോലെ നിങ്ങളുടെ ഇ-മെയിൽ, മൊബൈൽ നമ്പർ തുടങ്ങിയ കോണ്ടാക്ട് വിവരങ്ങൾ ബാങ്കിൽ അപ്ഡേറ്റ് ചെയ്യണം. ഇല്ലെങ്കിൽ അക്കൗണ്ടുമായി ബന്ധപ്പെട്ട വിവരങ്ങൾ സമയത്ത് അറിയില്ല. അതു വലിയ തലവേദനകളുണ്ടാക്കും.

വേണം ഡിജിറ്റൽ ബാങ്കിങ്

ലോകത്ത് എവിടെനിന്നും പരിധിയില്ലാതെ അക്കൗ ണ്ട് അക്സസ് ചെയ്ത് ഫണ്ടു കൈമാറാനും ബില്ലുകൾ അടയ്ക്കാനും ഡിജിറ്റൽ ബാങ്കിങ് വഴി കഴിയും. മൊബൈൽ/ഇന്റർനെറ്റ് ബാങ്കിങ് ആക്ടിവേറ്റ് ചെയ്യാതിരുന്നാൽ വിദേശത്തിരുന്നു കാര്യങ്ങൾ ചെയ്യാൻ താമസവും തടസ്സങ്ങളുമുണ്ടാകും.

ശരിയായി പണം അയയ്ക്കണം

വിദേശത്തുനിന്നു പണം എൻആർഇ അക്കൗണ്ടിലേക്കു തന്നെ അയയ്ക്കണം. എൻആർഒ അക്കൗണ്ടിലേക്ക് അയച്ചാൽ തലവേദനയാകും.

നോമിനിയെ ചേർക്കണം

ബാങ്ക് അക്കൗണ്ടിലും നിക്ഷേപങ്ങളിലും നോമിനിയെ ചേർക്കാൻ മറക്കരുത്. ഭാവിയിൽ നിങ്ങൾ ഉദ്ദേശിക്കുന്നയാൾക്ക് ഫണ്ട് എളുപ്പത്തിൽ കൈ മാറാം. തർക്കങ്ങളും കാലതാമസവും ഒഴിവാക്കാം.

നികുതി ആനുകൂല്യം ഉപയോഗിക്കണം