ഇതു കേരളത്തിന്റെ സ്വന്തം ചങ്ക്സ്; മാസം 7.5 ലക്ഷംവരെ ലാഭം

കേരളത്തിൽ അതുവരെ ഇല്ലാതിരുന്ന, എന്നാൽ മലയാളികൾക്ക് ആവശ്യമുള്ള ഒരു സംരംഭം തുടങ്ങണമെന്നായിരുന്നു ആഗ്രഹം. നിക്ഷേപം ഒരു കോടിയിൽ കവിയാത്ത പദ്ധതിയാണ് അന്വേഷിച്ചത്.

- 

രുചിയൂറും സസ്യാഹാരങ്ങൾക്ക് എപ്പോഴും ഡിമാൻഡുണ്ട്. അത്തരത്തിൽ മാംസത്തിനു പകരക്കാരനായി ഉപയോഗിക്കുന്ന സോയ ചങ്ക്സ് (Soya Pillets) നിർമിക്കുന്ന സ്ഥാപനമാണ് ഡോറസ് അഗ്രോ ഫുഡ് പ്രോഡക്ട്സ്, പാലക്കാട് ഷൊർണൂർ വ്യവസായ എസ്റ്റേറ്റിലാണ് സ്ഥാപനം പ്രവർത്തിക്കുന്നത്.

സോയ ചങ്ക്സ് നിർമിക്കുന്ന മറ്റു സ്ഥാപനങ്ങൾ ഒന്നും തന്നെ കേരളത്തിലില്ല എന്നാണ് സ്ഥാപനത്തിന്റെ ഉടമസ്ഥനായ സതീഷ് നമ്പ്യാർ പറുന്നത്.

എന്തുകൊണ്ട് ഈ ബിസിനസ്

ഗുജറാത്തിലെ ജോലി രാജിവച്ച് നാട്ടിൽ സ്ഥിരതാമസമാക്കാൻ തീരുമാനിച്ചപ്പോഴാണ് സ്വന്തമായി സംരംഭം എന്ന ചിന്ത വരുന്നത്. അങ്ങനെയാണ് കേരളത്തിൽ അതുവരെ ഇല്ലാതിരുന്ന, എന്നാൽ മലയാളികൾക്ക് ആവശ്യമുള്ള ഒരു സംരംഭം തുടങ്ങണം എന്നുറപ്പിക്കുന്നത്. നിക്ഷേപച്ചെലവ് ഒരു കോടിയിൽ കവിയാത്ത പദ്ധതിയാണ് അന്വേഷിച്ചത്. അങ്ങനെ വിവിധ ഘടകങ്ങൾ ഒത്തുവന്നതോടെയാണ് സോയാബീൻ നിർമാണത്തിലേക്ക് എത്തുന്നത്. സുഹൃത്തായ രാമകൃഷ്ണനും പങ്കാളിയായെത്തി.

ലളിതമായ നിർമാണരിതി