പകരക്കാർ നിസ്സാരക്കാരല്ല

സ്ഥിരം കണ്ടു വരുന്ന നിർമാണരീതിയും സാമഗ്രികളും ഒന്നു മാറ്റിപിടിക്കാം. നല്ലതിലേക്കുള്ള ഒരു ചുവടുമാറ്റം.

- 

ഭിത്തി

ചുമര് കെട്ടാൻ സാധാരണ ഇഷ്ടികകൾക്കു പകരം അഡോബി മൺകട്ടകൾ ഉപയോഗിക്കാം. കടുക്ക, ശർക്കര, വൈക്കോൽ, വേപ്പ്, മഞ്ഞൾ എന്നിവ മണ്ണിൽ ചേർക്കുന്നു. ഇത് പിടുത്തം കിട്ടാനും ചിതലിനെ പ്രതിരോധിക്കാനും വിള്ളലകറ്റാനും സഹായിക്കുന്നു. സൈറ്റിലെ മണ്ണ് കൊണ്ട് ഈ കട്ട നിർമിക്കാം. കളിമണ്ണിന്റെ അംശം കൂടുതലുള്ള മണ്ണ് കൊണ്ടും മണ്ണിടിച്ചിൽ പോലെയുള്ള ദുരന്തങ്ങളിൽ ഒലി ച്ചു വരുന്ന മണ്ണുകൊണ്ടും ഈ കട്ടകൾ നിർമിക്കാം. ഇത് വെയിലത്ത് ഉണക്കിയെടുക്കുന്ന കട്ടകളാണ്; ചുട്ടെടുക്കുന്നതല്ല. കട്ടയല്ലാതെ ഒറ്റ യൂണിറ്റ് ആയും ഇതേ രീതിയിൽ ഭിത്തി നിർമിക്കാം. കോബ് എന്നാണ് ഇതറിയപ്പെടുന്നത്.

Autoclaved Aerated Concrete Block എന്ന എഎസി കട്ടകളും ഭിത്തി കെട്ടാൻ ഉപയോഗിക്കാം. ഭാരം കു റവാണ്, വായു അറകൾ ഉള്ളതിനാൽ ചൂട് കുറയ്ക്കാൻ സാധിക്കും. നല്ല ഫിനിഷ് ആയതിനാൽ എളു പ്പത്തിൽ തേക്കാം. അതുവഴി തേപ്പിലുണ്ടാകുന്ന നഷ്ടം കുറയ്ക്കാനും സാധിക്കും. മികച്ച ഈടും നൽ കുന്നു. നാല് ഇഞ്ചിന്റെ കട്ടയ്ക്ക് 40 രൂപയാണ് വില.

Compressed Stabilised Earth Block(സിഎസ്ഇബി) എന്ന പ്രബലിത മൺകട്ടകൾ ഉപയോഗിച്ച് ചുമര് കെ ട്ടാം. റാംഡ് എർത് രീതി കൊണ്ട് നിർമിക്കുന്ന കട്ടകളാണ് ഇത്. ഇന്റർലോക് രീതിയിൽ കെട്ടാം. 30x150x90 എംഎം അളവിലുള്ള കട്ടയ്ക്ക് 30 രൂപ മുതലാണ് വില. ചൂട് കുറയ്ക്കും, തേപ്പിന്റെ ആവശ്യമില്ല എന്ന താണ് ഗുണങ്ങൾ. കട്ടകൾക്ക് വലുപ്പം കൂടുതലാണ്.

ടെറാക്കോട്ട ഹോളോ ബ്ലോക്ക്സ് ഹുരുഡീസ് എന്നീ പേരുകളിലറിയപ്പെടുന്ന പോറോതേം ബ്രിക്കും ഭിത്തി കെട്ടാൻ ഉപയോഗിക്കാം. വായു അറകൾ ഉള്ളതിനാൽ ചൂട് കുറയ്ക്കും, പ്രകൃതിയോടിണ ങ്ങിയതാണ് എന്നിവയാണ് ഗുണങ്ങൾ. 40x15x20 സെമീ വലുപ്പത്തിലുള്ള കട്ടയ്ക്ക് 40 രൂപയാണ് വില. പക്ഷേ, പണിക്കൂലി കൂടുതലാണ്.

• കട്ടകളല്ലാതെ മണ്ണ് കൊണ്ട് റാംഡ് എർത്, പോർഡ് എർത് (പോർഡ് എർത്) രീതിയിലും ഭിത്തി കെട്ടാവുന്നതാണ്.

Ecofriendly and Earthquake Resistant

ഫൗണ്ടേഷൻ