ക്ഷീണമകറ്റാൻ ഞാവൽപ്പഴങ്ങൾ

പഴമായും ഉണക്കിപ്പൊടിച്ചും ഞാവൽപ്പഴങ്ങളെ ഔഷധമായി ആയുർവേദം ഉപയോഗിച്ചുവരുന്നു

- ഡോ.പ്രിയ ദേവദത്ത് കോട്ടയ്ക്കൽആര്യവൈദ്വശാല മാന്നാർ, ആലപ്പുഴ [e-mail]

വർണപ്പൊലിമയുള്ള പഴങ്ങളാണ് ഞാവലിന്റെത്. പച്ചനിറമുള്ള ഞാവൽപ്പഴങ്ങൾ പഴുക്കുമ്പോൾ തിളക്കമുള്ള കറുപ്പുനിറമാകും. രുചി ക്കൊപ്പം പർപ്പിൾ നിറവും ഈ പഴങ്ങൾ നാവിൽ പടർത്തും. ആന്തോസയാനിൻ എന്ന ഘടകമാണ് ഈ നിറംമാറ്റത്തിനുപിന്നിൽ.

വലുതും ചെറുതുംകായ്കളുള്ള രണ്ടിനം ഞാവലുകളുണ്ട്. ഗുണങ്ങളെല്ലാം ഒരുപോലെയെങ്കിലും ചെറു ഞാവൽപ്പഴങ്ങളാണ് വാതരോഗങ്ങളെ അകറ്റാൻ വിശേഷം. സുഗന്ധിയും സ്വാദിഷ്ടവുമാണ് ഈ പഴങ്ങൾ. ഞാവൽപ്പഴങ്ങ ളുടെ മാംസളഭാഗം പർപ്പിളോ അല്ലെങ്കിൽ വെള്ളയോ നിറത്തിൽ കാണാറുണ്ട്. ജംബു ഞാറ, ജമുൻ തുടങ്ങിയ പേരുകളും ഞാവലിനുണ്ട്.

ഔഷധപ്പെരുമ

വളരെക്കാലം മുൻപുത ന്നെ ആയുർവേദം പഴമായും ഉണക്കിപ്പൊടിച്ചും ഞാവൽപ്പഴങ്ങളെ ഉപയോഗിച്ചിരുന്നു. ഞാവൽ വിത്തുകളെയും പഴങ്ങളെയും ചരകൻ അതിസാരചികിത്സയിൽ കഷായമാക്കി ഉപയോഗിച്ചിരുന്നു. അമിതവണ്ണം, ആർത്തവ പ്രശ്നങ്ങൾ എന്നിവയിലാണ് സുശ്രുതൻ ഞാവലിനെ കൂടുതൽ പ്രയോജനപ്പെടുത്തിയിരുന്നത്.