കാർബൈഡ് ഉപയോഗിച്ച് പഴുപ്പിച്ച മാങ്ങ അപകടകാരിയോ

ഫാക്ട് ചെക്ക്

- ഡോ. ഗൗതം സുരേഷ് എസ്. പി കൃഷി ഓഫിസർ, ഭൂവിനിയോഗ വകുപ്പ് വികാസവൻ, തിരുവനന്തപുരം ഫോൺ: 9497481761

പഴങ്ങൾ സ്വാഭാവികമായി പഴുക്കുന്നത് അവ തന്നെ ഉൽപാദിപ്പിക്കുന്ന എത്തിലീൻ എന്ന വാതകം ഉപയോഗിച്ചാണ്. വികസ്വര രാജ്യങ്ങളിൽ പഴങ്ങൾ കൃത്രിമമായി പഴുപ്പിക്കാനായി "കാർബൈഡ്' എന്ന് വിളിപ്പേരുള്ള കാത്സ്യം കാർബൈഡ് നിയമവിരുദ്ധമായി ഉപയോഗിച്ചുവരുന്നു. വിപണിയിൽ സാധാരണയായി കാണപ്പെടുന്ന കാത്സ്യം കാർബൈഡിനു ചാരനിറമോ തവിട്ടുനിറമോ ആയിരിക്കും, അതിൽ സാധാരണയായി 85% വരെ കാത്സ്യം കാർബൈഡ് അടങ്ങിയിരിക്കും. കാത്സ്യം കാർബൈഡ് വെള്ളത്തോടോ ഈർപ്പത്തോടോ സമ്പർക്കം പുലർത്തുമ്പോൾ, അത് വിഘടിച്ച് ജ്വലനശേഷിയുള്ള അസറ്റിലിൻ വാതകം ഉൽപാദിപ്പിക്കുന്നു. ഈ അസറ്റിലീൻ വാതകം ഫലങ്ങൾ പ്രകൃതിയാൽ ഉൽപാദിപ്പിക്കുന്ന എത്തിലീൻ വാതകത്തെപ്പോലെ പ്രവർത്തിച്ച് അവയെ പഴുപ്പിക്കുന്നു. കാത്സ്യം കാർബൈഡ് ഉപയോഗിച്ച് പഴം പഴുപ്പിക്കുമ്പോൾ, പഴത്തിന്റെ പുറംതോലിൽ മാത്രമാണു നിറം മാറുന്നത്. പഴുക്കൽ പ്രക്രിയ പൂർണമായി നടക്കാറില്ല. അതിനാൽ, പുറമേ നോക്കുമ്പോൾ പഴുത്തതായി തോന്നിയാലും, ഉള്ളിലെ മാംസളമായ ഭാഗം പഴുക്കാതെ പച്ചയായിത്തന്നെയിരിക്കും. ഇതു കാരണം മാമ്പഴത്തിനു സ്വാഭാവിക മധുരവും സുഗന്ധവും ഉണ്ടാവില്ല. സ്വാഭാവികമായി പഴുക്കുമ