ഇനിയെന്നും ഇലക്കറികൾ

ആരോഗ്യരക്ഷയ്ക്ക് ഇലക്കറികൾ അത്യാവശ്യം

- ഡോ. സുമ ദിവാകർ

ഏതു കാലാവസ്ഥയിലും ഏതു പ്രദേശത്തും സമൃദ്ധ മായി വളരുന്ന ഇലക്കറികൾ പോഷകമേന്മയിലും ഉൽപാദനശേഷിയിലും മറ്റു പച്ചക്കറികളെക്കാൾ മുന്നിലാണ്. വൈറ്റമിൻ എ ആയി രൂപാന്തരപ്പെടുന്ന കരോട്ടീനിന്റെ സമൃദ്ധ സ്രോതസ്സാണ് ഇലക്കറികൾ, ഗർഭസ്ഥശിശുക്കൾക്ക് ഇരുമ്പിന്റെയും ഫോളിക് ആസിഡിന്റെയും പ്രധാന സ്രോതസ്സ്. കോശസംരക്ഷണത്തിനു വേണ്ട ല്യൂട്ടീൻ, സിയാസാന്തീൻ തുടങ്ങിയവയുമുണ്ട്. രോഗപ്രതിരോധശേഷി നൽകുന്ന വൈറ്റമിനുകളുടെയും ധാതുലവണങ്ങളുടെയും ഖജനാവായ ഇലക്കറികളിൽ കുടലിന്റെ പ്രവർത്തനത്തിനു വേണ്ട നാരുകളും നല്ല തോതിലുണ്ട്.

ചുവന്ന ചീര, കുപ്പച്ചീര, ചെർമണിചീര, സാമ്പാർ ചീര, ബസലച്ചീര, ചേമ്പില, പയറില, മുരിങ്ങയില, മല്ലിയി ല, കറിവേപ്പില, കുടങ്ങൽ, ബി, പൊന്നാങ്കണ്ണിയില, മത്തനില, കോവലില എന്നിങ്ങനെ നീളുന്നു ഭക്ഷ്യയോഗ്യ മായ ഇലക്കറികൾ. വേഗം വളരുന്നതിനാൽ ഇവ സീസ ണിൽ പല തവണ വിളവെടുക്കാം. മുതിർന്നവർ ദിവസേന 125 ഗ്രാം ഇലക്കറികൾ കഴിക്കണമെന്ന് ആരോഗ്യവിദഗ്ധർ.