കോഴിക്കും മീനിനും പ്രോട്ടീൻപുഴുക്കൾ

അടുക്കളത്തോട്ടത്തിൽ മാലിന്യസംസ്കരണവും വരുമാനവും 

- 

അഞ്ചും പത്തും സെന്റിന്റെ പരിമിതിയിൽ കഴിയുന്ന വീട്ടുകാരാണല്ലോ മാലിന്യനിർമാർജനത്തിന് ഏറ്റവും പ്രയാസപ്പെടുന്നത്. അവർക്കേറെ ഉപകാരപ്രദമാണ്, ബ്ലാക്സോൾജ്യർ ഈച്ചകളെ ആകർഷിച്ചുള്ള മാലിന്യസംസ്കരണരീതി. ഭക്ഷ്യാവശിഷ്ടങ്ങളിലേക്ക് ഈച്ചകളെത്തുകയും അവയുടെ മുട്ട വിരിഞ്ഞെത്തുന്ന ലാർവകൾ അവശിഷ്ടങ്ങൾ തിന്നു വളരുകയും ചെയ്യുന്ന രീതിയാണിത്. അവിടംകൊണ്ട് നിർത്താതെ, പ്രോട്ടീൻ സമൃദ്ധമായ ഈ ലാർവകൾ നൽകി മുട്ടക്കോഴികളെയും മത്സ്യങ്ങളെയും വളർത്തിയാലോ? മത്സ്യങ്ങളുടെ വിസർജ്യം മാത്രം വളമാക്കി പച്ചക്കറിക്കൃഷി ചെയ്താലോ. കഴിഞ്ഞില്ല, മുട്ടയും കോഴിയും മത്സ്യവും പച്ചക്കറികളുമെല്ലാം വിറ്റ് നല്ല വരുമാനം കൂടി ലഭിക്കുമെങ്കിലോ? ഇത്തിരിവട്ടത്ത് നടക്കുന്ന കാര്യങ്ങളാണോ ഇതൊക്കെ എന്നു സംശയമുള്ളവർക്ക് തൃശൂർ ഗുരുവായൂരിനടുത്ത് തൊഴിയൂരുള്ള വൈശം വീട്ടിൽ അബ്ദുൾ റഷീദിന്റെ അടുക്കളത്തോട്ടത്തിലെത്താം. അടുക്കളമാലിന്യ സംസ്കരണവും പ്രോട്ടീൻ സമൃദ്ധമായ ബ്ലാക്സോൾജ്യർ ലാർവ ഉൽപാദനവും അവ നൽകിയുള്ള കോഴി-മത