ഇതൊരു വയസ്സാണോ?

കഥക്കൂട്ട്

- തോമസ് ജേക്കബ്

സർഗാത്മകതയ്ക്ക് പ്രായം ഒരു തടസ്സമാണോ? "കലാകാരന്മാർ മുപ്പത്തഞ്ചു വയസ്സിനു മുൻപു മരിക്കണം, കിഴവന്മാരായി മറ്റുള്ളവരെ ബോറടിപ്പിക്കുന്നതിനു മുൻപ് എന്ന ഗൊദാർദിന്റെ വാചകം നമ്മുടെ മുന്നിലുണ്ട്. മുപ്പത്തഞ്ചു വയസ്സിൽ മരിച്ച മൊസാർട്ടിനെ ഒർമിപ്പിച്ചുകൊണ്ട് അദ്ദേ ഹം ഇതു പറഞ്ഞതു മുപ്പത്തേഴാം വയസ്സിലാണ്. 2018ലെ കാൻ ചലച്ചിത്രമേളയ്ക്ക് എത്തുമ്പോൾ അദ്ദേഹത്തിന്റെ പ്രായം എൺപത്തേഴായിരുന്നു! പ്രശസ്ത ചലച്ചിത്ര സംവിധായകൻ റോമൻ പോളൻസ്കി എൺപതാമത്തെ വയസ്സിൽ 2013 ൽ ചെയ്ത ചിത്രമാണ് "വീനസ്ഇൻഫർ. ചിത്രത്തിന്റെ ആദ്യപ്രദർശനം തന്നെ കാൻ ചലച്ചിത്രമേളയിലായിരുന്നു.

പ്രശസ്ത പോളിഷ് ചലച്ചിത്ര സംവിധായകൻ ആന്ദ്ര വൈദ എൺപത്തേഴാമത്തെ വയസ്സിൽ ചെയ്ത ചിത്രമായ "വലേ സ, മാൻ ഓഫ് ഹോപ്പി'ന്റെ ആദ്യപ്രദർശനം വെനീസ് മേളയിലായിരുന്നു. ഓസ്കറിന് പോളിഷ് ഗവൺമെന്റ് ഔദ്യോഗികമായി അയച്ചത് ആ ചിത്രമായിരുന്നു.

അക്കിര കുറസോവയുടെ അവസാന ചിത്രം എൺപത്തിമൂന്നാമത്തെ വയസ്സിലായിരുന്നു. ഓസ്കറിന് ജപ്പാന്റെ ഔദ്യോഗിക എൻട്രി ആ ചിത്രമായിരുന്നു.

ബർണാഡ്ഷാ "ഫാർഫെച്ച്ഡ് ഫേബിൾസ്' എന്ന നാടകമെഴുതിയത് തൊണ്ണൂറ്റി മൂന്നാം വയസ്സിലാണ്.