സുനിത വില്യംസ് എന്ന് മടങ്ങും?

2025 ഫെബ്രുവരിയിൽ ആണ് അടുത്ത വാഹനം ഐഎസ് എസിലേക്ക് പോകുക

- 

നാസയുടെ ലോകമെങ്ങും അറിയപ്പെടുന്ന ഒരു ബഹിരാകാശ യാത്രിക (ആസ്ട്രോ നോട്ട്) ആണ് സുനിത വില്യംസ്. ഇപ്പോൾ അവർ വീണ്ടും വാർത്തകളിൽ ഇടം പിടിച്ചിരിക്കയാണെന്ന് എല്ലാ യുറീക്കർമാർക്കും അറിയാമല്ലോ? നമുക്കെല്ലാം സുനിതയോട് കുറെ ഇഷ്ടം തോന്നാൻ മറ്റൊരു കാരണമുണ്ട്. സുനിതയുടെ അച്ഛൻ ഇന്ത്യക്കാരനായ ഡോ. ദീപക് പാണ്ഡ്യ ആണ്. അതിനാലാണ് ഇന്ത്യക്കാരെല്ലാം സുനിത അവിടെ കുടുങ്ങിപ്പോകാൻ കാരണക്കാരായ ബോയിങ് കമ്പനിയെ കുറ്റപ്പെടുത്തുന്നത്.

മാത്രമല്ല, സുനിത വില്യംസ് അങ്ങു ദൂരെ ബഹിരാകാശത്ത് സഞ്ചരിക്കുന്ന ഐ എസ് എസിൽ തിരിച്ചു വരാൻ കഴിയാതെ പെട്ടു പോയിരിക്കയാണെന്നും അത് കാരണം അവരുടെ ആരോഗ്യം മോശമാവുകയാണ് എന്നുമൊക്കെയുള്ള ചർച്ചകൾ ഇന്ത്യയിലെ മാധ്യമങ്ങളിൽ നടക്കുന്നുമുണ്ട്. എന്താണ് വസ്തുത? സുനിത വില്യംസിനും അവരുടെ കൂടെ ബോയിങ് കമ്പനിയുടെ സ്റ്റാർലൈനർ എന്ന വാഹന ത്തിൽ ബഹിരാകാശത്ത് പോയ വിൽമോർ ബുച്ചിനും എപ്പോഴാണ് തിരിച്ചുവരാൻ കഴിയുക ? ഇപ്പോൾ അവർ രണ്ടുപേരും അന്താരാഷ്ട്ര ബഹിരാകാശ നിലയത്തിൽ സുരക്ഷിതരായി കഴിയുകയാണ്.