പബ്ലിക്കും റിപ്പബ്ലിക്കും

ജനുവരി 26 ആണല്ലോ നമ്മുടെ റിപ്പബ്ലിക്ക് ദിനം

- ടി.ഗംഗാധരൻ

ജനുവരി 26 ആണല്ലോ നമ്മുടെ റിപ്പബ്ലിക്ക് ദിനം. ഈ വർഷത്തെ റിപ്പബ്ലിക്ക് ദിനം, ഇന്ത്യൻ റിപ്പബ്ലിക്കിന്റെ 75-ാം വാർഷികം കൂടിയാണെന്ന് ഓർക്കണം. എന്താണ് റിപ്പബ്ലിക്ക്? പബ്ലിക്കും റിപ്പബ്ലിക്കും തമ്മിൽ എന്താണ് ബന്ധം? ഇംഗ്ലീഷ് ഭാഷയിൽ പബ്ലിക്ക് എന്ന തിന്റെ ഒരർത്ഥം പൊതുജനം എന്നാണ്.

പബ്ലിക്കിന്റെ പങ്കാളിത്തത്തോടുകൂടി രാജ്യത്തിന്റെ ഭരണം നടത്തുന്നതിനുള്ള കാഴ്ചപ്പാടും സമീപനരീതിയുമാണ് റിപ്പബ്ലിക്ക് എന്നുപറയാം.

റിപ്പബ്ലിക്ക് എങ്ങനെ പ്രവർത്തിപ്പിക്കണം എന്നതിന്റെ വിശദാംശങ്ങൾ ഉൾക്കൊള്ളുന്ന രേഖയാണ് ഭരണഘടന. അങ്ങനെ വരുമ്പോൾ, ജനാധിപത്യ ഭരണഘടനയനുസരിച്ച്, സംവിധാനത്തിലൂടെ ഭരണം നടത്തുന്ന രാജ്യങ്ങളാണ് റിപ്പബ്ലിക്കുകൾ.

റിപ്പബ്ലിക്കുകളുടെ ആദിമാതൃക രൂപംകൊണ്ടത് ഗ്രീസിലെ നഗരരാഷ്ട്ര ങ്ങളിലാണെന്ന് നിങ്ങൾ കേട്ടിട്ടു ണ്ടാകും. അവിടെ, പ്രായപൂർത്തി യായ എല്ലാ പൗരന്മാരും ഒരുമിച്ച് യോഗം ചേർന്നിട്ടാണ് ഭരണകാര്യ ങ്ങളിൽ തീരുമാനങ്ങളെടുത്തിരുന്നത്. അത്തരം നേർറിപ്പബ്ലിക്കുകൾ (Direct Democracy Republics) ഇപ്പോൾ എവിടെയും നിലനിൽക്കുന്നില്ല. ഇപ്പോഴത്തെ റിപ്പബ്ലിക്കുകളെല്ലാം, പ്രാതിനിധ്യ ജനാധിപത്യ പ്രക്രിയയിലൂടെ അതായത്, തെരഞ്ഞെടുക്കപ്പെടുന്ന ജനപ്രധിനി ധികൾ ചേർന്ന് ഭരണം നടത്തുന്നവയാണ്.