ഗർഭാശയമുഴകൾ സ്ത്രീകൾ അറിഞ്ഞിരിക്കേണ്ട കാര്യങ്ങൾ

ഗർഭാശയമുഴകൾ ചെറുതും വലുതുമായി ഒന്നോ അതിൽ കൂടുതലായോ കാണ പ്പെടുന്നു. പഠനങ്ങൾ പ്രകാരം ഏകദേശം 30 വയസ്സ് മുകളിൽ പ്രായമുള്ള 20% ത്തോളം സ്ത്രീകളിലും ഗർഭാശയമുഴകൾ സാധാരണമായി കാണപ്പെടുന്നു. ഇവ ഉണ്ടാകാനുള്ള കാരണം കൃത്യമായി പറയാൻ കഴിയില്ലെങ്കിലും കുട്ടികൾ ഇല്ലാത്ത സ്ത്രീകൾ, അമിതവണ്ണം ഉള്ളവർ, ഈസ്ട്രജൻ ഹോർമോൺ കൂടിയിരിക്കുന്നവർ, ആർത്തവം നേരത്തെ തുടങ്ങിയവർ, ആർത്തവവിരാമം വൈകുന്നവർ എന്നി വരിൽ ഇവ ഉണ്ടാകാനുള്ള സാധ്യത കൂടുതലാണ്.

- ഡോ. ഷിബില കെ BAMS. MS(Ayu)

ഇന്നത്തെ കാലത്ത് മിക്കവാറും സ്ത്രീകളിൽ കണ്ടുവരികയും എന്നാൽ പലപ്പോഴും തിരിച്ച റിയപ്പെടാതിരിക്കുകയും ചെയ്യുന്ന ഒരു പ്രധാന ആരോഗ്യ പ്രശ്നമാണ് ഗർഭാശ യമുഴകൾ(Uterine Fibroids). നിർഭാഗ്യവശാൽ ഇത്തരം മുഴകളിൽ 70% ത്തോളം തുടക്കത്തിൽ യാതൊരു ലക്ഷണങ്ങളും പ്രകടിപ്പിക്കാറില്ല. പലപ്പോഴും ഏതെങ്കിലും കാരണങ്ങളാൽ നടത്തുന്ന പരിശോധനകളിലൂടെയാണ് ഇവ കണ്ടെത്തുന്നത്. ഗർഭാശയത്തിന്റെ പേശികളിൽ ഉണ്ടാകുന്ന മാരകമല്ലാത്ത വളർച്ചയാണ് (Benign tumors) ഗർഭാശയമുഴകൾ എന്നറിയപ്പെടുന്നത്. ഇവ വളരാൻ ആശ്രയിക്കുന്ന സ്ഥാനത്തിനനുസരിച്ച് വിവിധ പേരുകളിൽ അറിയപ്പെടുന്നു. ഇത്തരം മുഴകൾ പ്രധാനമായും ഗർഭാശയത്തിന്റെ മാംസപേശിയെ (Myometrium) ആശ്ര യിച്ചിരിക്കുമ്പോൾ ഇൻട്രാമുറൽ ഫൈബ്രോയിഡുകൾ ( intramural fibroids) എന്ന പേരിലും,അവ പിന്നീട് ഗർഭാശയ ഭിത്തിക്ക് പുറത്തേക്ക് വളരുമ്പോൾ സബ്സേർസ് ഫൈബ്രോയിഡുകൾ (subserous fibroid) എന്നും, അകത്തേ ക്ക് വളരുമ്പോൾ സബ്മ്യൂക്കസ് ഫൈ ബ്രോയിഡുകൾ (submucous fibroid ) എന്നും പറയപ്പെടുന്നു. ഇവതന്നെ ഗർ ഭാശയത്തിൽ ഉണ്ടാകുമ്പോൾ സെർവി ക്കൽ ഫൈബ്രോയിഡുകൾ (cervical fibroids) എന്നും അറിയപ്പെടുന്നു.