മഞ്ഞുമ്മൽ ഗേൾ

വിധിയെ ഓടിത്തോൽപ്പിക്കാൻ മുച്ചക്ര വാഹനവുമായി നിരത്തിലിറങ്ങിയ മിടുക്കി

- ജസ്റ്റിൻ മാത്യു

മഞ്ഞുമ്മൽ ബോയ്സ് എന്ന സിനിമ കണ്ട മലയാളികളുടെ സംസാരം ഇപ്പോൾ ഒരു മഞ്ഞുമ്മൽ ഗേളിനെക്കുറിച്ചാണ്. കുടുംബം പോറ്റാനായി മുച്ചക്രവാഹനവുമായി നിരത്തിലിറങ്ങിയ പതിനെട്ടുകാരി അലീഷ ജിൻസനെക്കുറിച്ച്. അപ്രതീക്ഷിതമായി ഒരു ദിവസം ജീവിതം വഴിമുട്ടുകയായിരുന്നു. പിതാവ് ജിൻസൻ ഒരപകടത്തിൽ പ്പെട്ട് ഇരിപ്പായി. ന്യുമോണിയ ബാധിച്ച് അമ്മ കിടപ്പിൽ. അടുക്കള പുകയാത്ത ദിനങ്ങൾ. എല്ലാം അവസാനിച്ചെന്നു കുടുംബം കരുതി. എന്നാൽ വേദനയുടെ ചാരത്തിൽ നിന്ന് പുത്തൻ ചിറകുകളുമായി അലീഷ ഒരു ഫീനിക്സ് പക്ഷികണക്കെ ഉയർന്നു പൊങ്ങുകയായിരുന്നു. പട്ടിണി കിടന്നു മടുത്ത ഒരു ദിവസം അലീഷ പിതാവിന്റെ കാക്കിക്കുപ്പായം എടുത്തിട്ടു. നേരെ അമ്മയുടെ അടുത്തെത്തി പറഞ്ഞു: "ഞാൻ ഓട്ടോ ഓടിക്കാൻ പോകുവാ.' അപ്പന്റെ ഓട്ടോയുടെ ചാവിയും കയ്യിലുണ്ടായിരുന്നു. മുട്ടോളം നീണ്ട കുപ്പായത്തിൽ അലീഷ വീണ്ടും ചെറുതായതായി അമ്മയ്ക്കു തോന്നി. ആദ്യം മകൾ തമാശ പറയുകയാണന്നാണ് അമ്മ കരുതിയത്. പക്ഷേ, മുഖത്തെ നിശ്ചയദാർഢ്യത്തിൽ തെല്ലും തമാശയില്ല. അപ്പനോട് ചോദിച്ചിട്ടു പൊയ്ക്കോ എന്ന് മറുപടി. മകളുടെ ചോദ്യത്തിന് അപ്പൻ പച്ചക്കൊടി കാട്ടി.ആത്മവിശ്വാസം മാത്രം കൈമുതലാക്കി അലീഷ നിരത്തിലേക്കിറ ങ്ങി. മുച്ചക്രവാഹനത്തിന്റെ സാരഥിയായി. ആദ്യ ദിനത്തെ ഓട്ടത്തിൽ 600രൂപയാണ് വരുമാനം ലഭിച്ചത്. അതു നൽകിയ അഭിമാനം അലീഷയ