നേട്ടങ്ങളുടെ ട്രാക്കിൽ യതി റേസിങ്

ഫോർമുല ഭാരത് കിരീടം നേടുന്ന കേരളത്തിലെ ആദ്യ ടീം, സൊസൈറ്റി ഓഫ് ഓട്ടമോട്ടീവ് എൻജിനീയേഴ്സ് നടത്തിയ സുപ്രയിൽ ഒൻപതാം സ്ഥാനം എന്നീ നേട്ടങ്ങളുമായി കുസാറ്റിലെ യതി റേസിങ്

- എൽദോ മാത്യു തോമസ്

സ്വന്തമായി ഒരു വാഹനം നിർമിക്കുക, അതിനു പരിശോധനകളിൽ മികവു ലഭിക്കുക, തുടർന്ന് ഇതേ വാഹനം ലോകനിലവാരത്തിലുള്ള ഒരു മത്സരട്രാക്കിൽ ഡ്രൈവ് ചെയ്യുക, വാഹനലോകമറിയുന്ന വിധത്തിൽ പ്രശസ്തി നേടുക... വായിക്കുമ്പോൾ ഒരു സിനിമാക്കഥ പോലെയൊക്കെ തോന്നും, ഒട്ടുമിക്ക വാഹന പ്രേമികളുടെ മനസ്സിലും ഇതുപോലെയുള്ള തോന്നൽ കടന്നുപോയിട്ടുണ്ടാകും... എന്നാൽ ഇതു തോന്നലോ, സിനിമാക്കഥയോ ഒന്നുമല്ല. അവയെ എല്ലാം വെല്ലുന്ന, കുറച്ചു വിദ്യാർഥികളുടെ കഠിനപ്രയത്നത്തിന്റെ യഥാർഥ കഥയാണ്. കൊച്ചിൻ യൂണിവേഴ്സിറ്റി കുസാറ്റ് സ്കൂൾ ഓഫ് എൻജിനീയറിങ്ങിലെ ഒരു കൂട്ടം വിദ്യാർഥികൾ കൈവരിച്ച വലിയ നേട്ടം. ഫോർമുല ഭാരത് കിരീടം നേടുന്ന കേരളത്തിലെ ആദ്യ ടീമായി കുസാറ്റിലെ യതി റേസിങ് മാറി.

യതി റേസിങ് - കുസാറ്റ് സ്കൂൾ ഓഫ് എൻജിനീയറിങ്