കരുത്തരിലെ കരുത്തൻ.

40 പിഎസ് പവർ. 35 എൻഎം ടോർക്ക്. 1.85 ലക്ഷം രൂപ വില. 400 സിസി വിപണിയിൽ മറ്റാരും നൽകാത്ത ഓഫറുമായി ബജാജ് !

- നോബിൾ എം. മാത്യു

എക്കാലത്തും യുവാക്കളുടെ ഹരമാണ് പൾസർ മോഡലുകൾ. അതുകൊണ്ടുതന്നെയാണ് വിപണിയിലെത്തിയിട്ട് 24 വർഷമായിട്ടും ആവേശമൊട്ടും ചോരാതെ വിൽപനയിൽ പുതിയ മൈലുകൾ താണ്ടാൻ പൾസർ മോഡലുകൾക്കു കഴിയുന്നത്.

2001ൽ ആണ് ബജാജ് 150 സിസി, 180 സിസി പൾസറുകളെ നിരത്തിലെത്തിക്കുന്നത്. 99ൽ വിപണിയിലിറങ്ങിയ ഹോണ്ട സി ബിസിക്കു കിട്ടിയ സ്വീകാര്യത തന്നെയായിരുന്നു ബജാജ് പൾസറിനെ നിരത്തിലെത്തിക്കാനുള്ള പ്രചോദനം. പൾസർ പിന്നീട് ബജാജിന്റെ വളർച്ചയുടെ നെടുംതൂണായത് ചരിത്രം. അൻപതിലധികം രാജ്യങ്ങളിൽ ഇന്നു പൾസർ വിൽക്കുന്നുണ്ട്. ബജാജിന്റെ കണക്കു പ്രകാരം 1.80 കോടി പൾസർ ഇതിനകം വിറ്റു കഴിഞ്ഞു. അതായത് ഓരോ 20 സെക്കൻഡിലും ഒരു പൾസറിന്റെ വിൽപന നടക്കുന്നു. 125, 135, 150, 160, 180, 200, 220 എന്നിങ്ങനെ എല്ലാ സെഗ്മെന്റിലും പൾസർ സാന്നിധ്യമറിയിച്ചു. എന്റെ വേരിയന്റും എൻഎസ് വേരിയന്റും പൾസർ നിരയെ കൂടുതൽ പ്രിയങ്കരമാക്കി.

കൂടുതൽ സ്പോർട്ടിയായ വേർഷനാണ് എൻഎസ് നിര 125, 160, 200 സിസി മോഡലുകൾ ഈ വിപണിയിൽ സജീവം. ഈ നിരയിലേക്കാണ് പുതിയ എൻഎസ് 400 സി എന്ന മോഡലെത്തുന്നത്. പൾസർ നിരയിലെ ഏറ്റവും കരുത്തുറ്റ മോഡൽ എന്ന വിശേഷണത്തോടെയാണ് വരവ്. മാത്രമല്ല റൈഡ് മോഡുകളടക്കമുള്ള ഫീച്ചറുകളുമുണ്ട്. എല്ലാത്തിനുമുപരി 1.85 ലക്ഷം എന്ന എക്സ്ഷോറൂം വിലയാണ് ഹൈലൈറ്റ്. ലോണാവാലയിൽനിന്നു ബജാജിന്റെ ഹാക്കൻ പ്ലാന്റിലേക്കും അവിടുത്തെ ട്രാക്കിലും ഓടിച്ചറിഞ്ഞ എൻഎസ് 400 സിയുടെ വിശേഷങ്ങളിലേക്ക്...

സ്ട്രീറ്റ് ഫൈറ്റർ

ഡോമിനർ ഉള്ളപ്പോൾ അതേ എൻജിൻ സിസിയുമായി മറ്റൊരു മോഡലിന്റെ ആവശ്യമുണ്ടോ? ഡോമിനറി ല്ലേ എന്നു തോന്നാം. എന്നാൽ ഡോ സ്പോർട്സ് ടൂറർ വിഭാഗത്തി മിനർ ലും എൻഎസ് 400സി നേക്കഡ് സ്ട്രീറ്റ് ഫൈറ്റർ വിഭാഗത്തിലുമാണ് വരുന്നത്.

എൻഎസ് ഫാമിലിയിലെ മറ്റുള്ളവരുടെ അതേ ഡിസൈൻ തീം പിന്തുടർന്നാണ് 400 സിയുടെയും രൂപകൽ പന. എൻഎസ് 200, ഡോമിനർ 400 എന്നിവയിൽ നിന്നുള്ള പാർട്സ് ഷെയറിങ്ങും നടത്തിയിട്ടുണ്ട്. അതു കൊണ്ടാണ് ഈ വിലക്കുറവിൽ 400സി വിൽക്കാൻ കഴിയുന്നതെന്നു ബജാജ് വ്യക്തമാക്കുന്നു.