ചുരുൾമുടിയുടെ വിജയം

ചുരുണ്ട മുടിയിൽ നിന്നു പ്രചോദനം ഉൾക്കൊണ്ടു സംരംഭം തുടങ്ങിയ ഈ മലയാളി പെൺകുട്ടി ഷാർക്ക് ടാങ്കിലൂടെ നേടിയതു 75 ലക്ഷത്തിന്റെ ഫണ്ടിങ്

- delna sathya

ഷാംപൂവും കണ്ടീഷനറുമൊക്കെയിട്ടു ഭംഗിയായി സൂക്ഷിച്ച ചുരുൾമുടിയിഴകളാണു ഹിൻഷറ ഹബീബ് എന്ന ആലുവാക്കാരിയുടെ ഏറ്റവും വലിയ സ്വത്ത്, പണ്ട്, മുടിയുടെ പേരിൽ കൂട്ടുകാരികൾ കളിയാക്കുമ്പോൾ ആത്മവിശ്വാസക്കുറവു കൊണ്ടു പലപ്പോഴും തലകുനിഞ്ഞു പോയിട്ടുണ്ട്. പിന്നെ അതിനെയെല്ലാം ചിരിയോടെ നേരിട്ട് പൊരുതി വിജയത്തിലേക്കു കുതിച്ചു ഹിൻഷറ.

ചുരുളൻ മുടിക്കാരായ ഹിൻഷറയും കൂട്ടുകാരി മുംബൈ സ്വദേശിനി യുബ റോമിൻ ആഗയും ചേർന്നു തുടങ്ങിയ മെയ്ൻ റെയ്ൻ' എന്ന സ്റ്റാർട്ടപ്പ് ദേശീയ തലത്തിൽ ശ്രദ്ധ നേടി. വിഖ്യാത ബിസിനസ് റിയാലിറ്റി ഷോയായ "ഷാർക് ടാങ്കി'ന്റെ ഇന്ത്യൻ എഡിഷനിൽ പങ്കെടുത്ത ഈ മിടുക്കികൾ നേടിയതു 75 ലക്ഷം രൂപയുടെ ഫണ്ടിങ്ങാണ്. വിജയവഴികളെക്കുറിച്ചു ഹിൻഷറ  മനസ്സു തുറക്കുന്നു.

ഈ വിജയം പ്രതീക്ഷിച്ചിരുന്നോ?

 മികച്ച സാധ്യതകളുള്ള സംരംഭകർക്കു ഫണ്ടിങ്ങും ഒപ്പം പ്രശസ്തിയും നേടാൻ സഹായിക്കുന്ന റിയാലിറ്റി ഷോയാണു ഷാർക് ടാങ്ക്. എത്ര തിരക്കുകളുണ്ടെങ്കിലും യുബ ഈ ഷോ കാണും. കോവിഡ് കാലത്തിനു മുൻപു തുടങ്ങിയ ഞങ്ങളുടെ മെയ്ൻ റെയ്ൻ' എന്ന സംരംഭത്തിന്റെ കഥ ഷാർക് ടാങ്കിലൂടെ ലോകത്തോടു പറയണമെന്ന് ആഗ്രഹിച്ചതും യുബയാണ്. കോവിഡിൽ സഹോദരനെ നഷ്ടമായതിന്റെ ആഘാതത്തിലായിരുന്നു എന്റെ കുടുംബം. അതിൽ നിന്നു കര കയറാൻ ഷാർക് ടാങ്ക് സഹായിച്ചു. ഫണ്ടിങ് കിട്ടുമെന്നു നല്ല പ്രതീക്ഷയുണ്ടായിരുന്നു. കാരണം ചുരുളൻ മുടിയുള്ളവരുടെ ചെറിയ വലിയ പ്രശ്നങ്ങൾക്കു പരിഹാരമാണു ഞങ്ങളുടെ ഉൽപന്നങ്ങൾ.

ആലുവയിൽ ഹൈകൗണ്ട് ഗ്രൂപ് മാനേജിങ് ഡയറക്ടറായിരുന്ന എം.എ. ഹബീബാണ് അച്ഛൻ. ഉമ്മ ഫാത്തിമ ഹബീബ്. ഞങ്ങൾ മൂന്നു മക്കളാണ്. പത്തു വർഷം മുൻപായിരുന്നു അച്ഛന്റെ മരണം. കോവിഡ് കാലത്തു മൂത്ത ചേട്ടൻ ഹിൻഫാസും ഞങ്ങളെ വിട്ടു പോയി. ഇളയ ചേട്ടൻ ഹിൻസാഫ് ഇപ്പോൾ ഹൈകൗണ്ട് മാനേജിങ് ഡയറക്ടറാണ്.

സംരംഭകരിൽ ഒരാൾ ആലുവയിൽ. മറ്റേയാൾ മുംബൈയിൽ. പ്രായത്തിൽ പന്ത്രണ്ടു വയസ്സിന്റെ വ്യത്യാസം. ഒന്നിച്ചുള്ള ബിസിനസ് എന്ന തീരുമാനത്തിലേക്ക് എത്തിയതെങ്ങനെ?