പ്രിയമുള്ളിടത്തും നിറയട്ടെ പച്ചപ്പ്

കോർട്ട്യാർഡിൽ പച്ചപ്പ് ചേർത്തു വയ്ക്കുമ്പോൾ ശ്രദ്ധിക്കേണ്ട കാര്യങ്ങൾ അറിയാം

- ജേക്കബ് വർഗീസ് കുന്തറ റിട്ട. പ്രഫസർ, ബോട്ടണി വിഭാഗം, ഭാരത് മാത കോളജ് എറണാകുളം

വീട്ടുകാരുടെ ഹൃദയത്തോടു ചേർന്നു നിൽക്കുന്ന ഇടമാകും കോർട്ട് യാർഡ്. അകത്തളത്തിനു ഭംഗിയും മനസ്സിനു ശാന്തതയുമേകും ഈ ഇടം. നടുമുറ്റത്തോ വീടിന്റെ വശത്തോ ആയൊരുക്കുന്ന കോർട്ട് യാർഡിൽ പച്ചപ്പിന്റെ ഭംഗിയേകിക്കോളൂ.

പച്ചപ്പ് ചേരും അകത്തളം

മഴവെള്ളം നേരിട്ടു വീഴുന്ന ഇടമാണെങ്കിൽ വെള്ളം പെട്ടെന്നു വാർന്നുപോകാനുള്ള സംവിധാനം ഒരുക്കണം.

കോർട്ട് യാർഡിന്റെ നിലം ടൈൽ വിരിച്ചതാണെങ്കിൽ അവിടെ ആകർഷകമായ സെറാമിക്, ഫൈബർ ചട്ടികളിൽ ചെടികൾ വളർത്താനാകും. നല്ല വലുപ്പവും വിസ്താരവുമുള്ള ചട്ടിയിൽ കുറെയേറെ ചെടികൾ ഒന്നിച്ചു വളർത്തുകയുമാകാം. വെള്ളം കെട്ടിനിൽക്കാതെ ഒഴുകിപ്പോകാൻ സൗകര്യമുണ്ടാകണമെന്നു മാത്രം.