സിനിമയിലെ നല്ല കുട്ടി

ഞാൻ മുതിരുന്നതു വരെ വിട്ടിൽ ആഘോഷങ്ങൾ കാര്യമായി ഇല്ലായിരുന്നു.പിന്നെ, എല്ലാം ഞാൻ ഏറ്റെടുത്തു

- 

വർഷങ്ങൾക്കു മുൻപാണ്. തമിഴ് സിനിമയുടെ ഷൂട്ടിങ്ങിനു കശ്മീരിലേക്കു പോകാൻ ബാഗ് പാക്ക് ചെയ്യുകയാണു നിഖില വിമൽ. കണക്കുകൂട്ടലുകൾ ശരിയാണങ്കിൽ ആ വിഷുവിനു കശ്മീരിലെ മഞ്ഞുമലകൾ കണി കാണേണ്ടി വരും. അതുകൊണ്ടു രഹസ്യമായി ഒരു കൃഷ്ണവിഗ്രഹം കൂടി നിഖില കൂടെ കൊണ്ടുപോയി.

ആ വർഷത്തെ വിഷുക്കണി ഒരിക്കലും മറക്കില്ല എന്നു പറഞ്ഞാണു നിഖില സംസാരിക്കാനിരുന്നത്. “വിഷുത്തലേന്ന് ഇത്തിരി കണിക്കൊന്ന് കിട്ടുമോ എന്നു പലരോടും അന്വേഷിച്ചെങ്കിലും കിട്ടിയില്ല. കൃഷ്ണവിഗ്രഹത്തിനടുത്തു കുറച്ചു പഴങ്ങളും കോടിയും സ്വർണവും നാണയങ്ങളും വച്ചൊരു കണി ഒരുക്കി.

വിഷുവിനോട് അത്ര പ്രിയമാണോ ?

എല്ലാ ആഘോഷങ്ങളോടും പ്രിയമാണ്. ഞാൻ മുതിരുന്നതു വരെ വീട്ടിൽ ആഘോഷങ്ങളൊന്നും കാര്യമായി നടത്തില്ലായിരുന്നു. പിന്നെ, എല്ലാം ഞാൻ ഏറ്റെടുത്തു. കണി ഒരുക്കാൻ തുടങ്ങിയാൽ തെക്കിനിയിലെത്തിയ നാഗവല്ലിയെ പോലെയാകും. കയ്യിൽ കിട്ടുന്നതൊക്കെ ചേർത്തു വച്ചു മെഗാ കണി ഒരുക്കും. എല്ലാവരെയും വിളിച്ചുണർത്തി കണി കാണിക്കും.

രണ്ടു വർഷം മുൻപ് ഒരു ഡിസംബറിലാണ് അച്ഛൻ മരിച്ചത്. തൊട്ടടുത്ത വർഷം ഒരു ആഘോഷവും ഇല്ലായിരുന്നു. ഇക്കഴിഞ്ഞ ക്രിസ്മസിനു മറൈൻ ഡ്രൈവിൽ പോയി ക്രിസ്മസ് ട്രീ വാങ്ങി ഫ്ലാറ്റിൽ സെറ്റ് ചെയ്തു. അന്നേ തുടങ്ങി വിഷു പ്ലാനിങ്.

"അയൽവാശി യിലെ സെലീനയ്ക്ക് അയൽവാശി ?