സൂക്ഷിക്കുക റിക്കോർഡിങ് ഓൺ

സ്മാർട് ഫോണിൽ ആരുമറിയാതെ വിഡിയോ റെക്കോർഡ് ചെയ്യുന്ന ആപ്ലിക്കേഷന്റെ പ്രവർത്തനം മനസ്സിലാക്കാം

- രതീഷ് ആർ. മേനോൻ ടെക്, സോഷ്യൽ മീഡിയ വിദഗ്ധൻ

ചില അനീതികൾ കാണുമ്പോൾ അതു ലോകത്തെ അറിയിക്കണമെന്നു തോന്നും. പക്ഷേ, രഹസ്യമായി പോലും മൊബൈൽ ക്യാമറ ഓണാക്കാനുള്ള ധൈര്യം തോന്നണമെന്നില്ല. രഹസ്യമായി വിഡിയോ റിക്കോർഡിങ് ചെയ്യാൻ സഹായിക്കുന്ന ആപ്ലിക്കേഷനെക്കുറിച്ചാണു പറയുന്നത്. അതിനു മുൻപു മറ്റൊരു കാര്യം കൂടി പറയാം.

എല്ലാ ടെക്നോളജിയും ഗുണകരമായും ദോഷകരമായും ഉപയോഗിക്കാം. അതുകൊണ്ട് അധാർമിക ചിന്തയോടെ ടെക്നോളജിയെ സമീപിക്കരുതെന്ന് ഓർമിപ്പിക്കുന്നു. ഇനി ഇങ്ങനെ ദൃശ്യങ്ങൾ പകർത്തുന്നതിലുള്ള നിയമപരമായ മുന്നറിയിപ്പ്. “മറ്റൊരാളിന്റെ അറിവോ അനുവാദമോ ഇല്ലാതെ ദൃശ്യങ്ങൾ പകർത്തുന്നത് ഐടി നിയമപ്രകാരം ശിക്ഷാർഹമാണ്. അനുവദനീയമല്ലാത്ത സ്ഥലങ്ങളിൽ വച്ചു വിഡിയോ പകർത്തുന്നതും കുറ്റകരമാണ്.