എല്ലാം നിസ്സാരം, രസകരം ശീലമാക്കാം DIY

പ്രഫഷനലുകളെ നിയമിക്കാതെ സ്വന്തമായി സാധനസാമഗ്രികൾ നിർമിക്കുക, നന്നാക്കുക, അല്ലെങ്കിൽ മെച്ചപ്പെടുത്തുക എന്നതാണ് 'സ്വയം ചെയ്യുക' Do It Yourself (DIY) അർഥമാക്കുന്നത്. നമ്മെ സ്വയംപര്യാപ്തരാക്കുന്ന ഈ ശീലത്തെക്കുറിച്ചറിയാം...

- എം. ഷിയാസ്

വീട്ടിൽ അടുക്കള സിങ്കിന്റെ ടാപ്പ് ലീക്കായി വെള്ളം പാഴായിത്തുടങ്ങിയിട്ട് എത്ര നാളായി? അല്ലെങ്കിൽ ഒരു വാതിലിന്റെ ഹാൻഡിൽ ഇളകിയത് നന്നാക്കണമെന്ന് എന്നും ആലോചിച്ചിട്ട് നടക്കാതെ നീണ്ടു നീണ്ടു പോകുന്നുണ്ടോ? പായൽ പിടിച്ച് അഴുക്കായി കിടക്കുന്ന മതിൽ ഒന്ന് കഴുകി പെയിന്റ് അടിക്കണമെന്ന് വിചാരിച്ചിട്ട് ഇതുവരെ നടക്കാത്ത കാര്യമായി തോന്നിയിട്ടുണ്ടോ? ഇത്തരം ഒരിക്കലും നടക്കാത്ത, നന്നാക്കാത്ത ചില ചില്ലറ കാര്യങ്ങൾ നടത്തിയെടുക്കാൻ ആരെയും പ്രാപ്തരാക്കുന്നതാണ് 'സ്വയം ചെയ്യുക' (Do It Yourself -DIY) എന്ന ശീലം.

ഒരാളെ വിളിച്ചു പണി ചെയ്യിക്കണമെങ്കിൽ വരുന്ന ചെലവ് ആലോചിക്കുമ്പോഴാണ് അത്യാവശ്യമല്ലാത്ത പല കാര്യങ്ങളും അങ്ങനെ മുടങ്ങിക്കിടക്കുക. ഇതിനൊരു പരിഹാരം കൂടിയാണിത്. Do It Yourself (DIY) എന്ന രസകരമായ ശീലം വളർത്തിയെടുത്താൽ ദൈനംദിന ജീവിതത്തിൽ അതൊരു മുതൽക്കൂട്ടാകും. അതിനെ ഗൗരവത്തോടെ കണ്ട് കൂടുതൽ പഠിച്ചാൽ മികച്ച വരുമാന മാർഗവും കൂടിയാകും.

സ്വയം ചെയ്യുക (DIY) എന്നത് പുതിയകാലത്ത് ഏറെപ്പേരെ ആകർഷിക്കുന്ന ഒരു മേഖലയാണ്. സമൂഹ മാധ്യമങ്ങളിൽ പലപ്പോഴും ട്രെൻഡിങ്ങാകുന്ന, ലക്ഷക്കണക്കിനുപേർ പിന്തുടരുന്ന ആശയം. വീട്ടിലെ വാഷിങ് മെഷീൻ 'error' കാണിച്ചാൽ സർവിസ് സെന്ററിൽ വിളിക്കുന്നതിനു മുമ്പേ വീട്ടമ്മമാർ യൂട്യൂബിൽ പരതി കാരണം കണ്ടുപിടിക്കുന്നത് പതിവാണ്. ഒരു പാചകക്കുറിപ്പ് മുന്നിൽവെച്ച് പുതിയൊരു വിഭവം ഉണ്ടാക്കാത്തവർ ഇന്നില്ലെന്നു തന്നെ പറയാം. ഇതെല്ലാം സ്വയം ചെയ്യുക (DIY) എന്ന കാഴ്ചപ്പാടിന്റെ ഫലം തന്നെ.

പ്രഫഷനലുകളെ നിയമിക്കാതെ സ്വന്തമായി സാധനസാമഗ്രികൾ നിർമിക്കുക, നന്നാക്കുക, അല്ലെങ്കിൽ മെച്ചപ്പെടുത്തുക എന്നതാണ് DIY അർഥമാക്കുന്നത്. വീട് മെച്ചപ്പെടുത്തൽ, അലങ്കാരം, കര കൗശലവസ്തുക്കൾ, അറ്റകുറ്റപ്പണികൾ എന്നിവ ചെയ്യുന്നതിൽ ഇത് ജനപ്രിയമാണ്. അതുവഴി ചെലവ് കുറക്കാം, ശീലമാക്കിയാൽ പുതിയൊരു വൈഭവം സ്വായത്തമാക്കിയ സംതൃപ്തിയും കിട്ടും.

ചില DIY വിദ്യകൾ പരിചയിക്കാം: