ഞാൻ ഹാപ്പിയാണ്

തമിഴ്, മലയാള സിനിമകളിൽ നിറഞ്ഞുനിൽക്കുകയാണ് ശിവദ. കരിയറിൽ പിന്നിട്ട 16 വർഷത്തെ ഓർമകൾക്കൊപ്പം സന്തോഷങ്ങളും കുടുംബ വിശേഷങ്ങളും പങ്കുവെക്കുന്നു...

- സുബൈർ പി. ഖാദർ

കോളജ് പഠനത്തിനിടെ യാദൃച്ഛികമായി തേടിയെത്തിയ സിനിമയിലേക്കുള്ള എൻട്രി വേണ്ടന്ന് പറഞ്ഞു ഒഴിവാക്കുമ്പോൾ ഭാവിയിൽ അതിന്റെ പിന്നാലെ 'ഓടേണ്ടി വരുമെന്ന്' സ്വപ്നത്തിൽ പോലും ചിന്തിച്ചിരുന്നില്ല ശിവദ. സിനിമ കൊതിച്ചു തുടങ്ങിയപ്പോൾ പക്ഷേ അവസരവും വന്നില്ല. തേടിവന്ന അവസരം തട്ടിക്കളത്തിൽ നിരാശപ്പെടാതെ സിനിമയെന്ന തന്റെ സ്വപ്നത്തിലേക്ക് മാത്രം ഒടുവിൽ കഴിവിന്റെയും കഠിനാധ്വാനത്തിന്റെയും പിൻബലത്തിൽ വെള്ളിത്തിരയിൽ തന്റേതായ ഇടം സൃഷ്ടിച്ച് പ്രേക്ഷക ഹൃദയവും കീഴടക്കി.

കരിയറിലെ 16 വർഷങ്ങൾക്കി പ്പുറവും മലയാളം, തമിഴ് ഇൻഡസ്ട്രികളിൽ നിറഞ്ഞുനിൽക്കുകയാണ് ശിവദ പിന്നിട്ട വഴികളും സ്വപ്നങ്ങളും കുടുംബവിശേഷവും 'മാധ്യമം കുടുംബവുമായി പങ്കുവെക്കുന്നു.

സിനിമാ ജീവിതത്തിൽ പിന്നിട്ട 16 വർഷങ്ങൾ എങ്ങനെ ഓർത്തെടുക്കാനാണ് ഇഷ്ടം?

16 വർഷം, സത്യം പറഞ്ഞാൽ നിങ്ങൾ ചോദിച്ചപ്പോഴാണ് അതേക്കുറിച്ച് ഓർക്കുന്നത്. ആദ്യ ചിത്രം മുതൽ അവസാനത്തേതുവരെ മനസ്സിൽ നിറഞ്ഞു നിൽക്കുന്നു. സിനിമയിൽ കുറേ അപ് ആൻഡ് ഡൗൺ സമയങ്ങളുണ്ടായിട്ടുണ്ട്. 16 വർഷമായി തമിഴ്, മലയാള സിനിമ ഇൻഡസ്ട്രികളിൽ സജീവമാണ് എന്നതാണ് ഇപ്പോഴും സന്തോഷം നൽകുന്നത്. അതു തന്നെ വലിയ കാര്യമാണ്. എണ്ണത്തിൽ കുറവാണെങ്കിലും സിനിമ ലഭിക്കുന്നതിൽ ഒരുപാട് സന്തോഷമുണ്ട്. അതൊരു ഭാഗ്യമായി കരുതുന്നു. സപ്പോർട്ട് ചെയ്ത എല്ലാവരെയും നന്ദിയോടെ ഓർക്കുന്നു.

ഇക്കാലയളവിൽ സിനിമയിലും ജീവിതത്തിലുമുണ്ടായ മാറ്റങ്ങൾ?

കരിയറിലും ജീവിതത്തിലും ഒരുപാട് കാര്യങ്ങൾ പഠിച്ചു. അത് എന്നിൽ ഒരുപാട് മാറ്റമുണ്ടാക്കി. ചില കാര്യങ്ങളിൽ 'നോ' പറയാനുള്ള കോൺഫിഡൻസ് വന്നു എന്നതാണ് അതിൽ ഏറ്റവും പ്രധാനപ്പെട്ടത്. കാരക്റ്ററോ കഥയോ ഇഷ്ടപ്പെട്ടില്ലെങ്കിൽ ചെയ്യില്ല എന്ന് പറയാനുള്ള കോൺഫിഡൻസ് വന്നു. പണ്ടൊക്കെ മറ്റുള്ളവർ എന്ത് വിചാരിക്കും എന്ന് കരുതി ചെയ്തേക്കാം എന്ന തോന്നലിൽ പടങ്ങൾ ചെയ്തിട്ടുണ്ട്. ജീവിതത്തിലും കരിയറിലും വരുന്ന അപ് ആൻഡ് ഡൗൺസ് എങ്ങനെ ബാലൻസ് ചെയ്യണം എന്നെല്ലാം മനസ്സിലാക്കാനും സാധിച്ചു. പിന്നെ വിവാഹം കഴിഞ്ഞു. അമ്മയായി. പുതിയ വീടുവെച്ച് താമസം മാറി. അതൊക്കെ തന്നെ.

കരിയറിനൊപ്പം ചേർന്നുപോവാൻ അന്നും ഇന്നും എടുക്കുന്ന എഫർട്ടുകളെക്കുറിച്ച് ?