ഗോൾഡൻ വൈബ്

മലപ്പുറം നഗരസഭയുടെ വയോജന ഉല്ലാസയാത്ര ലോക റെക്കോഡ് ബുക്കിൽ ഇടം നേടിയിരുന്നു. 40 വാർഡുകളിൽനിന്ന് 83 ബസുകളിലായി 3180 വയോജനങ്ങൾ പങ്കെടുത്ത യാത്രയിലേക്ക്...

- രഞ്ജിത് മലയിൽ

അങ്ങാടിയിലെ ചായക്കടയിൽ നിന്ന് നേരെ കശ്മീരിലേക്ക് വെച്ചുപിടിക്കുന്ന സോളോ ട്രിപ്പും അല്ലാത്ത ട്രിപ്പുമെല്ലാം വൈറൽ ആകുന്ന കാലത്ത് ലോക റെക്കോഡ് തന്നെ അടിച്ചെടുത്ത ഒരു യാത്ര നടന്നു കേരളത്തിൽ. മലപ്പുറം നഗരസഭയാണ് ചരിത്രം സൃഷ്ടിച്ച യാത്രയുടെ പിന്നിൽ ഊർജം നിറച്ചത്.

സെൽഫി സ്റ്റിക്കും ഉയർത്തി പിടിച്ച് നമ്മുടെ യൂത്തന്മാരും യൂത്തികളും സൃഷ്ടിച്ച തരംഗ ത്തിന് ചെക്ക് പറയാനൊന്നുമല്ലെങ്കിലും ഈ യാത്രക്ക് പകിട്ടേറെയാണ്. അതല്ലെങ്കിലും പഴയതിന് വീര്യം കൂടുമെന്നാണല്ലോ ചൊല്ല്. 3180 വയോജനങ്ങൾ ഒരുമിക്കുമ്പോൾ പിന്നെ ആ യാത്ര എങ്ങനെ റെക്കോഡ് പുസ്തകത്തിന്റെ ചരിത്രം തിരുത്തിക്കുറിക്കാതിരിക്കും.

"ഗോൾഡൻ വെബിലെ സുവർണതാരങ്ങൾ