Incredible India Let's go

ഗൾഫിൽ പഠിക്കുന്ന പ്രവാസി മലയാളികളുടെ മക്കൾക്കിത് അവധിക്കാലം. കുടുംബത്തിനൊപ്പം ചെലവഴിക്കാൻ മറ്റു പ്രവാസികളും നാട്ടിലെത്തിയ കാലം. കുടുംബത്തോടൊപ്പം യാത്രപോകാവുന്ന ഇന്ത്യയിലെ കിടിലൻ സ്പോട്ടുകളറിയാം

- വി.കെ. ഷമീം

കാഴ്ചകളുടെയും വൈവിധ്യങ്ങളുടെയും പറുദീസയാണ് ഇന്ത്യ. പർവതങ്ങളും മഞ്ഞും കടലും മരുഭൂമിയുമെല്ലാമുള്ള പ്രകൃതി വൈവിധ്യങ്ങൾ നിറഞ്ഞ നാട്. അതോടൊപ്പം വ്യത്യസ്ത സംസ്കാരങ്ങൾ, ഭാഷകൾ, ചരിത്രം, നാനാജാതി മനുഷ്യർ... അങ്ങനെ എണ്ണിയാലൊതുങ്ങാത്ത സവിശേഷതകളുണ്ട് നമ്മുടെ രാജ്യത്തിന്. അത്തരത്തിൽ വ്യത്യസ്ത കാഴ്ചകളും അനുഭവങ്ങളുമെല്ലാം സമ്മാനിക്കുന്ന പത്ത് കിടിലൻ സ്പോട്ടുകളിതാ...

1. വർക്കല

കേരളത്തിലെ അതിമനോഹര തീരപ്രദേശം. കടലും തീര വും കുന്നുമെല്ലാം ചേർന്നൊരുക്കുന്ന സുന്ദര കാഴ്ച. ശ്രീനാരായണ ഗുരു സ്ഥാപിച്ച ശിവഗി രി മഠം വർക്കലയിലെ പ്രധാന തീർഥാടന കേന്ദ്രമാണ്.

2500 വർഷം പഴക്കമുള്ള ജനാർദന സ്വാമി ക്ഷേത്രവും ഏറെ പ്രശസ്തമാണ്. ആയുർ വേദ ചികിത്സകൾ അടങ്ങിയ റിസോർട്ടുകളുടെ ഡെസ്റ്റിനേഷൻ കൂടിയാണ്.

തിരുവനന്തപുരത്തുനിന്ന് 40ഉം കൊല്ലത്തുനിന്ന് 26ഉം കിലോമീറ്റർ. വർക്കല ശിവഗിരി റെയിൽവേ സ്റ്റേഷനിൽ ഒട്ടു മിക്ക ട്രെയിനുകൾക്കും സ്റ്റോപ്പുണ്ട്.

2. രാമേശ്വരം

ഇന്ത്യയിലെ പ്രമുഖ തീർഥാടന കേന്ദ്രം കൂടിയാണിവിടം. മുൻ രാഷ്ട്രപതി എ.പി.ജെ. അബ്ദുൽ കലാമിന്റെ സ്മാരകം, രാമനാഥസ്വാമി ക്ഷേത്രം, പാമ്പൻ പാലം, ധനുഷ് കോടി തുടങ്ങിയ കാഴ്ചകളും അനുഭവങ്ങളും ഇവിടെ സഞ്ചാരികൾക്കായി ഒരുക്കിവെച്ചിട്ടുണ്ട്.

കേരളത്തിൽ നിന്ന് നേരിട്ട് ട്രെയിനില്ല. മധുര, ദിണ്ഡിഗൽ എന്നിവിടങ്ങളിൽ ട്രെയിൻ മാർഗമെത്തി അവിടെ നിന്ന് രാമേശ്വരത്തേക്ക് പോകാം. റോഡ് മാർഗമുള്ള യാത്രയും ഏറെ മനോഹരമാണ്.

3. ഹംപി

ഉത്തര കർണാടകത്തിലെ വിജയനഗര സാമ്രാജ്യത്തിന്റെ തലസ്ഥാനമായിരുന്ന പുരാതന നഗരം. വിജയനഗര സാമ്രാജ്യത്തിന്റെ ചരിത്രശേഷിപ്പുകൾ ധാരാളം ഇവിടെ കാണാനാകും. യുനെസ്കോയുടെ ലോകപൈതൃക കേന്ദ്രങ്ങളുടെ പട്ടികയിൽ ഹംപി ഇടംപിടിച്ചിട്ടുണ്ട്.

വിരൂപാക്ഷ ക്ഷേത്രം, പാൻ-സുപാരി ബസാർ, രാജ്ഞിയു ടെ കൊട്ടാരം, ലോട്ടസ് മഹൽ, ആനപ്പന്തി എന്നിവയും മറ്റു അനവധി ക്ഷേത്രങ്ങളുമെല്ലാം ഇവിടെയുണ്ട്.