കാലത്തിനൊത്ത് മാറിയ അടുക്കളകൾ

കുക്കറി ചാനലിനായി അതിനുതകുന്ന രീതിയിൽ പഴയ അടുക്കള മാറ്റിയെടുത്തു പ്രശസ്ത യൂട്യൂബർ സംഗീത

- 

പതിനഞ്ച് വർഷത്തോളം പഴക്കമുള്ള ഈ ഫ്ലാറ്റ് സംഗീത വാങ്ങുമ്പോൾ വാടകയ്ക്ക് കൊടുത്തിരിക്കുകയായിരുന്നു. അതുകൊണ്ടുതന്നെ അടുക്കള വളരെ മോശം അവസ്ഥയിലായിരുന്നു. പ്ലമിങ്ങിന്റെ അവസ്ഥ പരിതാപകരം, പ്ലൈവുഡ് കൊണ്ടുള്ള കാബിനറ്റുകൾ പലതും നശിച്ചിരുന്നു. "കുക്ക് വിത് സംഗീത' എന്ന യൂട്യൂബ് ചാനൽ നടത്തുന്ന, മില്യൺ ഫോളോവേഴ്സ് ഉള്ള ബെംഗളൂരുകാരി സംഗീതയ്ക്കാകട്ടെ അടുക്കളയെക്കുറിച്ച് ഒരുപാട് സ്വപ്നങ്ങളുണ്ടായിരുന്നു. ഡിസൈനർ സുമിയുടെ വർക്ക് കണ്ടിഷ്ടപ്പെട്ടാണ് തന്റെ സ്വപ്നമായ അടുക്കളയെ സംഗീത സുമിയുടെ കൈകളിലേൽപ്പിക്കുന്നത്. ആ വിശ്വാസം സുമി തെറ്റിച്ചില്ല.