തനിമ ചോരാതെ ചെറുപ്പം വീണ്ടെടുത്തു

200 വർഷം പഴക്കമുള്ള ബംഗ്ലാവിന്റെ തനിമയ്ക്ക് കോട്ടം തട്ടാതെ പുതിയ സൗകര്യങ്ങൾ ഉൾപ്പെടുത്തിയ കഥ

- 

ഇനി നാട്ടിൽ വിശ്രമജീവിതം നയിക്കണം. അതിന് ശാന്തസുന്ദരമായൊരു ആ സ്ഥലവും നല്ലൊരു വീടും വേണം. ഈ ആഗ്രഹമാണ് റിട്ട. കമാണ്ടർ രാജീവ് ശ്രീധ രനെയും കുടുംബത്തെയും പറവൂരിലെ 200 വർഷം പഴക്കമുള്ള ബംഗ്ലാവിലെത്തിച്ചത്. പെരിയാറിന്റെ തീരത്ത് പഴമയുടെ എല്ലാവിധ മനോഹാരിതകളും നിറഞ്ഞ കെട്ടിടം ആദ്യകാഴ്ചയിൽ തന്നെ രാജീവിന്റെ മനസ്സ് കീഴടക്കി. വരാ ന, ഓക്സൈഡ് പൂശിയ നിലം, കുമ്മായം തേച്ച ചുമരുകൾ, മംഗലാപുരം ഓടുമേഞ്ഞ മേൽഞ്ഞ മേൽകൂര... ഭംഗിയും പ്രൗഢിയും സമ്മേളിക്കുന്ന കാഴ്ചകളായിരുന്നു ബംഗ്ലാവിൽ നിറയെ. കൊളോണിയൽ - കേരളീയ ശൈലികളുടെ സമന്വയത്തിലായിരുന്നു നിർമാണം.

 പ്രായത്തിന്റെ അവശതകൾ

കെട്ടിടം കുറേനാളായി അടച്ചിട്ടിരിക്കുകയായിരുന്നു. അതിനാൽ പ്രായത്തിന്റെ അവശതക ളുണ്ടായിരുന്നു. അങ്ങിങ്ങായി ചോർച്ച, ചിലയിടത്ത് ചുമരിലെ കുമ്മായം പൊട്ടിയിളകൽ, നിറം മങ്ങിയ തറ...എന്നിങ്ങനെ. ഈ പ്രശ്നങ്ങളൊക്കെ പരിഹരിക്കാം എന്ന് രാജീവിന് ഉറപ്പുണ്ടായിരുന്നു. എന്നാൽ, കെട്ടിടത്തിൽ കുറച്ച് സൗകര്യങ്ങൾ ഉൾപ്പെടുത്തണം. പഴമയുടെ തനിമ നഷ്ടപ്പെടാനും പാടില്ല. ഇത് എങ്ങനെ സാധിക്കും എന്ന കാര്യത്തിലായിരുന്നു ടെൻഷൻ മുഴുവൻ.

പക്ഷേ, ആ ടെൻഷനും അധികം ആയുസ്സുണ്ടായില്ല. പൈതൃകസംരക്ഷണത്തിൽ പ്രത്യേക വൈദഗ്ധ്യമുള്ള ആർക്കിടെക്ട് വിനോദ്കുമാറിനെ പരിചയപ്പെട്ടതോടെ രാജീവിനും കുടുംബത്തിനും ആത്മവിശ്വാസമായി.

പ്രായമായ അച്ഛനും അമ്മയും രണ്ട് മക്കളും അടങ്ങുന്ന കുടുംബമായതിനാൽ ആധുനിക സൗകര്യങ്ങളുള്ള കിടപ്പുമുറികൾ ഉൾപ്പെടുത്തണം എന്നതായിരുന്നു വീട്ടുകാരുടെ പ്രധാന ആവശ്യം. വലുപ്പം കുറവാണെന്നതും അറ്റാച്ഡ് ബാത്റൂം ഇല്ല എന്നതുമായിരുന്നു നിലവിലുള്ള കിടപ്പുമുറികളുടെ ന്യൂനത.