Value for Money

കൂടിയ കരുത്തും നൂതന ഫീച്ചേഴ്സും കുറഞ്ഞ വിലയുമായി പുതിയ എൻഎസ് 400സി

- നോബിൾ എം. മാത്യു

40 ബിഎച്ച്പി. 373 സിസി എൻജിൻ. 1.85 ലക്ഷം രൂപ വില ഈ മൂന്നു കാര്യങ്ങളായിരുന്നു പൾസർ എൻഎസ് 400സി എന്ന മോഡലിനെ വിപണിയിലെ താരമാക്കിയത്. എക്കാലത്തും വിപണിയിലെ എതിരാളികളെക്കാളും വിലക്കുറവിൽ അവരോടു കിടപിടിക്കുന്ന മോഡലുകൾ ഇറക്കിയ ചരിത്രമേ ബജാജിനുള്ളൂ. അതുകൊണ്ടുതന്നെയാണ് വിദേശ മോഡലുകൾ മാർക്കറ്റിൽ ലഭ്യമായിട്ടും ബജാജിന്റെ മോഡലുകളിൽ യുവാക്കൾ സംതൃപ്തരാകുന്നത്. ഇപ്പോഴിതാ പൾസർ നിരയിലെ ഏറ്റവും കരുത്തനെന്ന വിശേഷ ണമുള്ള എൻഎസ് 400സിയെ ബജാജ് വീണ്ടും പരിഷ്കരിച്ചിരിക്കുകയാണ്. വിപണിയിൽ നിന്നുള്ള അഭിപ്രായങ്ങൾ ഉൾക്കൊണ്ട് കരുത്തും ഒപ്പം കിടിലൻ ഫീച്ചേഴ്സും കൂട്ടിയിണക്കിയാണ് വരവ്. വിശദമായൊന്നു കാണാം.

സ്പോർട്ടി ലുക്ക്

"നേക്കഡ് സ്ട്രീറ്റ് വെപ്പൺ' എന്ന വിശേഷണത്തിന് എന്തുകൊണ്ടും അർഹനാണ് എൻഎസ്400 സി. അഗ്രസീവായ സ്പോർട്ടി ലുക്ക് ബോഡിപാർട്ടിലുടനീളം കൊണ്ടുവ രാൻ ബജാജ് ഡിസൈനർമാർക്കു കഴിഞ്ഞിട്ടുണ്ട്. ഡോമിനറിന്റെയും എൻഎസ് 250യുടെയും പാർട്ടുകളും ഡിസൈൻ എലമെന്റുകളും കടം കൊണ്ടിട്ടുണ്ട് എൻഎസ് 400സി. പ്രൊജക്ടർ ഹെഡ്ലാംപ്, സി(Z) ആകൃതിയിലുള്ള ഡേ ടൈം റണ്ണിങ് ലാംപ്, അഡ്ജസ്റ്റബിൾ ക്ലച്ച്-ഗിയർ ലിവർ, ഗോൾഡൻ കളർ ഫോർക്കുകൾ, മസ്കുലർ ടാങ്ക്, സ്പ്ലിറ്റ് സീറ്റ്, സ്പ്ലിറ്റ് ഗ്രാബ് റെയിൽ, സ്പോർട്ടി എൻജിൻ കൗൾ, ഡിജിറ്റൽ ക്ലസ്റ്റർ, അണ്ടർ ബെൽ എക്സോസ്റ്റ് എന്നിങ്ങനെ നീളുന്നു എൻഎസ് 400 സിയുടെ സവിശേഷതകൾ. ഡിസൈനിൽ കാര്യമായ പരിഷ്കാരമില്ല. ടയർ സൈസ് മാറിയത് മാസ് ലുക്ക് കൂട്ടിയിട്ടുണ്ട്. പ്രത്യേകിച്ച്, പിന്നിൽ നിന്നുള്ള കാഴ്ചയിൽ ബോഡി കളറുകളും ഗ്രാഫിക്സും അടിപൊളി.

മൈലേജ്