Value for Money

കുറഞ്ഞ വിലയും മികച്ച പെർഫോമൻസുമായി ട്രയംഫിന്റെ പുതിയ മോഡേൺ ക്ലാസിക് സ്പീഡ് ടി4

- നോബിൾ എം. മാത്യു

മൂന്നു ലക്ഷം രൂപയിൽ താഴെ ഓൺറോഡ് വിലയിൽ ബൈക്ക്! ട്രയംഫിന്റെ 400 സിസി റോയൽ എൻഫീൽഡിനും ഹോണ്ടയ്ക്കും കടുത്ത വെല്ലുവിളിയുമായാണ് ട്രയംഫ് സ്പീഡ് ടി4 എന്ന മോഡലിനെ രംഗത്തിറക്കിയിരിക്കുന്നത്. ബജാജുമായുള്ള സഹകരണത്തിൽ ട്രയംഫ് വിപണിയിലിറക്കുന്ന മൂന്നാമത്തെ മോഡലാണ് ടി4. കാഴ്ചയിൽ സ്പീഡ് 400ൽ നിന്നും വലിയ മാറ്റമില്ലാതെ അതേ 400 സിസി എൻജിനുമായാണ് വരവ്. എന്താണ് പുതുമയെന്നു നോക്കാം?

ഡിസൈൻ

സ്പീഡ് 400 മോഡലുമായി ഡിസൈ നിൽ കാര്യമായ മാറ്റമില്ല. മോഡേൺ ക്ലാസിക് ഡിസൈൻ തീം തന്നെയാ ണ് ഇതിലും പിന്തുടർന്നിരിക്കുന്നത്. വട്ടത്തിലുള്ള എൽഇഡി ഹെഡ്ലാം പാണ്. ട്രയംഫിന്റെ വലിയ ലോഗോയ്ക്കൊപ്പം 400 എന്ന എഴുത്ത് ടാങ്കിൽ നൽകിയിട്ടുണ്ട്. സാധാരണ രീതിയിലുള്ള മിറർ ആണ്. സ്പീഡ് 400ൽ ബാർ എൻഡ് മിററാണ്. സ്റ്റീൽ ഹെഡ്ലൈറ്റ് ബ്രാക്കറ്റാണ് ടി4ൽ. സ്പീഡ് 400ൽ ഇത് അലുമി നിയം യൂണിറ്റാണ്. 400 ലും ടി4ലും സൈലൻസറിന്റെ ഡിസൈൻ ഒരുപോലെയെങ്കിലും പെയിന്റ് ഫിനിഷിൽ വ്യത്യാസമുണ്ട്. ബ്ലാക്ക് ഫിനിഷാണ് ടി4ൽ. മാത്രമല്ല ത്രോട്ടിൽ ബോഡി കവറിനും ഫെൻഡറുകൾക്കുമെല്ലാം ബ്ലാക്ക് ഫിനിഷാണ്. സീറ്റിന്റെ പാറ്റേണിലും വ്യത്യാസ മുണ്ട്. കുഷനേറിയ റിബ് ടൈപ് സീറ്റാണ് ഇതിൽ. ഹാൻഡിൽ ബാറും ബ്രേക്ക് പെഡലും ഗിയർ ഷിഫ്റ്ററുമെല്ലാം സ്റ്റീലാണ്. സ്പീഡ് 400ൽ ഇതെല്ലാം കാസ്റ്റ് അലുമിനിയം യൂണിറ്റാണ്.