ഇന്നത്തെ നോമ്പ് ഡോക്ടർ വക; അന്നത്തേത് പള്ളീലച്ചൻ വക!

ഉയിർപ്പിന്റെ അന്ന് പ്രാർഥനയില്ല. കോഴിയിറച്ചി വയറു നിറച്ചു തട്ടാലോ എന്ന പ്രതീക്ഷയാ. ദുഃഖവെള്ളിയാഴ്ച പച്ചക്കറികൊണ്ടുള്ള ആറാട്ടാണ്. അന്നും ആശ്വസിക്കും. ഇനി ഒന്നരദിവസം കൂടി കാത്താൽ ഈസ്റാവൂലോന്ന്.

-  ഇന്നസെന്റ്

അന്ന് പള്ളീലച്ചൻ പറയും: വിശ്വാസികള് നോമ്പെടുക്കണേട്ടാ. കർത്താവിന്റെ പീഡാസഹനവും മരണവും ഓർത്താ പിന്നെ ഇറച്ചീം മീനുമൊക്കെ അങ്ങ് വയറ്റിലേക്ക് ഇറങ്ങാ? അതൊക്കെ 50 ദിവസം ങ്ങട് വേണ്ടെന്നു വയ്ക്ക്ടോ..

ഇന്ന് ഡോക്ടർ പറയും. തനിക്കു കൊളസ്ട്രോളും ഷുഗറുമൊക്കെ കൂടീടോ. ഇറച്ചീം മീനുമൊക്കെ തിന്നതു മതിയിട്ടാ. നോമ്പെടുക്ക്.