കുറ്റകൃത്യങ്ങളും പ്രതിരോധ മാർഗങ്ങളും

സൈബർ ക്രൈം

- ഇ. എസ്. ബിജുമോൻ സൈബർ ഫൊറൻസിക്ആൻഡ് ഇൻവെസ്റ്റിഗേറ്റിങ് എക്സ്പെർട്ട്

ഇന്ന് റിപ്പോർട്ട് ചെയ്യപ്പെടുന്ന സൈബർ കുറ്റകൃത്യങ്ങളിൽ ബഹുഭൂരിപക്ഷവും നമ്മുടെ അശ്രദ്ധ മൂലം സംഭവിക്കുന്നതാണ്. ഇതിൽ സ്ത്രീകളും കുട്ടികളും മുതൽ മുതിർന്ന പൗരന്മാരും സർക്കാർ ഉദ്യോഗസ്ഥരുമെല്ലാം ഉൾപ്പെടുന്നു. സാമ്പത്തിക തട്ടിപ്പുകൾക്ക് ഇരയാക്കപ്പെട്ട ബാങ്ക് ഉദ്യോഗസ്ഥരുടെ എത്രയോ സംഭവങ്ങൾ നമുക്ക് ചുറ്റും തന്നെ റിപ്പോർട്ട് ചെയ്യപ്പെട്ടിരിക്കുന്നു. ഇവയെല്ലാം അശ്രദ്ധ കൊണ്ടും അജ്ഞത കൊണ്ടും മാത്രമാണെന്നും പറയാൻ സാധിക്കില്ല. പലപ്പോഴും നമ്മുടെ ഭീതിയും വിശ്വാസവും ചൂഷണം ചെയ്യപ്പെടുന്നു. ഇവിടെ തട്ടിപ്പുകാർ മനഃശാസ്ത്ര തന്ത്രങ്ങൾ ഉപയോഗിക്കുന്നു.

സൗകര്യം നോക്കല്ലേ

നമ്മുടെ സൗകര്യത്തിനും എളുപ്പത്തിനും വേണ്ടി വിലപ്പെട്ട ഡിജിറ്റൽ രേഖകളും പേയ്മെന്റ് ആപ്ലിക്കേഷനുകളും മുതൽ ഫോണിന് ഒരേ പാസ് വേഡുകളും പിൻ നമ്പറുകളും സെറ്റ് ചെയ്യുന്നതുവരെ സാധാരണയായി കണ്ടുവരുന്ന ഒരു രീതിയാണ്. വലിയ ഹാക്കിങ് വിദ്യകളൊന്നും ഉപയോഗിക്കാതെ തന്നെ നമ്മുടെ വിലപ്പെ ട്ട രേഖകൾ തട്ടിപ്പുകാർക്ക് എളുപ്പത്തിൽ തട്ടിയെടുക്കാൻ ഇതിലൂടെ സാധിക്കും.