അമ്മപ്പേരുള്ളവർ

കഥക്കൂട്ട്

- തോമസ് ജേക്കബ്

പിള്ള എന്ന പൈതൃകപ്പേര് സ്ത്രീ കൾക്കും ഉണ്ടായിരുന്ന ഒരു കാലമുണ്ട്. സി.വി. രാമൻ പിള്ളയുടെ ഭാര്യയുടെ പേര് കാർത്യായനിപ്പിള്ള ജാനകിപ്പിള്ള എന്നായി രുന്നു. ആകാശവാണി മേധാവി ജി.പി.എസ് നായരുടെ അമ്മയുടെ പേർ കാർത്യായനിപ്പിള്ള പാർവതിപ്പിള്ള എന്നും.

മൂപ്പനുസരിച്ച് പേരു മാറുന്നവരാണ് പാ ലിയത്ത് കുടുംബാംഗങ്ങൾ. പാലിയത്തെ പിള്ളമാരായ പെൺകുട്ടികൾ മുതിർന്നാൽ “കുഞ്ഞമ്മമാരാവും. "കുട്ടൻമാരായ ആൺ കുട്ടികൾ വലുതായാൽ അച്ചന്മാരാകും. പാലിയത്തച്ചൻ. ഗായകൻ പി. ജയചന്ദ്രൻ ആദ്യം ജയൻകുട്ടൻ ആയിരുന്നു.

വൈദ്യമഠത്തിൽ ചെറിയ നാരായണൻ വൈദ്യ എന്നു പേരുള്ളവരെല്ലാം പ്രധാനന്മാരാവുമ്പോൾ വലിയ നാരായണന്മാരാവും. പക്ഷേ, കഴിഞ്ഞ നൂറ്റാണ്ടിൽ ഒരു മഹാ വൈദ്യൻ അങ്ങനെ പേരു മാറ്റാൻ വിസമ്മതിച്ച് ചെറിയ നാരായണൻ നമ്പൂതിരിയായി തുടർന്നു.

എം.ടി. വാസുദേവൻ നായർക്ക് നായർ എന്ന പൈതൃകപ്പേര് തുടക്കത്തിൽ ഇല്ലായിരുന്നു. കോളജ് റജിസ്റ്ററിൽപ്പോലും അദ്ദേഹം എം.ടി. വാസുദേവൻ മാത്രമായിരുന്നു. ലേഖനങ്ങൾ എഴുതിത്തുടങ്ങിയപ്പോ ൾ എംടി പേര് എം.ടി. വാസുദേവൻ നായർ എന്നു പരിഷ്കരിക്കുകയായിരുന്നു. പത്രം ഓഫിസിൽ തന്റെ ലേഖനവും കഥയും കെകാര്യം ചെയ്യുന്നവൻ താനൊരു മുതിർന്നയാളാണെന്നു വിചാരിക്കട്ടെ എന്ന സദുദ്ദേശ്യം മാത്രമായിരുന്നു അതിന്റെ പിന്നിലു ണ്ടായിരുന്നതെന്ന് എംടി പറയുന്നു