പങ്കിടുമ്പോൾ ഇരട്ടിക്കുന്ന സന്തോഷം

ചുറ്റുപാടുകളിൽ നിന്ന് ഊർജം സംഭരിച്ച് അകത്ത് ഉന്മേഷം നിറയ്ക്കുന്ന ട്രോപ്പിക്കൽ വീട്

- ശ്രീദേവി

ആരാണ് സന്തോഷം ആഗ്രഹിക്കാത്തത് പ്രസിദ്ധമായൊരു പരസ്യത്തിന്റെ ആദ്യവാചകം; ആ ഗോളസത്യവും. വീടിനകത്തെ അന്തരീക്ഷം പ്രശാന്ത സുന്ദരമാണെങ്കിൽ സന്തോഷം താനേ എത്തും എന്നാണ് പുതിയ തലമുറ വിശ്വസിക്കുന്നത്. അതുകൊണ്ടുതന്നെ, ചുറ്റു പാടുകളും പ്രകൃതിയും ഏറ്റവും ആസ്വദിക്കാൻ പറ്റുന്ന രീതിയിലാണ് പുതിയ വീടുകളുടെ ഡിസൈൻ.

ഭംഗി കൂട്ടാൻ നെൽപ്പാടം

മലപ്പുറം ജില്ലയിലെ വാഴക്കാടുള്ള ഈ വീട്, ചുറ്റുപാടുക ളോട് തുറന്ന് സംവദിക്കുന്നു. ഒരു വശത്ത് പാടവും ചുറ്റും കവുങ്ങിൻതോപ്പും നിറയെ മരങ്ങളുമുള്ള 11.5 സെന്റ്. രണ്ട് സഹോദരൻമാർ ഒരുമിച്ചു വാങ്ങിയ പ്ലോട്ടിലെ വീട് ഡിസൈൻ ചെയ്തത് ആർക്കിടെക്ട് ആയ മറ്റൊരു സഹോദരനും ഭാര്യയും. അതു കൊണ്ടുതന്നെ ആവാസ്' എന്ന ഈ വീട്, ഭാവിയിൽ നിർമിക്കാനിരിക്കുന്ന ഒരു വീടിനു വേണ്ട സൗകര്യങ്ങൾ കൂടി കണക്കിലെടുത്താണ് നിർമിച്ചത്.

കാലാവസ്ഥ പരിഗണിച്ചു

ട്രോപ്പിക്കൽ മോഡേൺ ഡിസൈൻ ആണ് എലിവേഷന് സ്വീകരിച്ചത്. അകത്തേക്ക് കയറുമ്പോൾ അത് കുറച്ചുകൂടി മോഡേൺ ചായിലേക്ക് തിരിയുന്നു. പ്രവാസികളായ വീട്ടുകാരുടെ ജീവിതശൈലി കണക്കിലെടുത്താണ് അകത്തളത്തിന് മോഡേൺ ഭാവങ്ങൾ നൽകിയത്.