തലപ്പൊക്കത്തിൽ ഒന്നാമൻ

30 വർഷം പഴക്കമുള്ള വീടിന്റെ എലിവേഷൻ പുതുക്കി ആകർഷകമാക്കിയപ്പോൾ

- 

വീടിന്റെ മുൻകാഴ്ച (എലിവേഷൻ) മാത്രം വ്യത്യാസപ്പെടുത്തണം എന്നു കേൾക്കുമ്പോൾ എളുപ്പമായിത്തോന്നാം. ഏറ്റവും കുറച്ചു മാത്രം പൊളിച്ചു വേണം പുതുക്കിപ്പണിയാൻ എന്ന ആവശ്യം കുടിയുണ്ടെങ്കിൽ പെട്ടെന്ന് പണി തീരില്ലേ എന്നായിരിക്കും സാധാരണക്കാരുടെ ചിന്ത. എന്നാൽ ചെറുതെന്നു തോന്നുന്ന ഇത്തരം പണികളാണ് ആർക്കിടെക്ടിന് ആയാസകരമാകുക എന്നതാണ് സത്യം.

അത്തരമൊരു പുതുക്കിപ്പണിയലാണ് കോഴിക്കോട് നഗരാതിർത്തിയിലുള്ള ഈ വീടിന് ചെയ്തത്. ഏകദേശം 30 വർഷം പഴക്കമുള്ള വീട് കൂടുതൽ പൊളിക്കാതെത്തന്നെ പുതുക്കിപ്പണിയണമെന്നായിരുന്നു വീട്ടുകാരൻ അബ്ദുൾ റഷീദിന്റെ ആഗ്രഹം. വീടിനകത്തെ ചെറിയ മാറ്റങ്ങളും ഇന്റീരിയർ വർക്കും ചെയ്യാൻ ഒരു കോൺട്രാക്ടറെ ഏർപ്പാടാക്കിയിട്ടുണ്ടായിരുന്നു. വീടിന്റെ എലിവേഷൻ വരയ്ക്കാനും നിർമിക്കാനും മാത്രം കോഴിക്കോടുള്ള ആർക്കിടെ സായ് പ്രസാദിന്റെ സഹായം തേടുകയായിരുന്നു. പൊളിക്കലുകൾ കുറച്ച് വ്യത്യസ്തമായ എലിവേഷൻ ചെയ്യുക എന്ന വെല്ലുവിളി ആർക്കിടെക്ട് സായ് പ്രസാദ് ഏറ്റെടുത്തു.