പേരുകളൊരായിരം

കഥക്കൂട്ട്

- തോമസ് ജേക്കബ്

"അന്യഥാ ചിന്തിദം കാര്യം
ദൈവം അന്യത്ര ചിന്തയേൽ'
എന്നൊരു തലക്കെട്ടു കണ്ടാൽ എന്തു തോന്നും, വിധിവിഹിതത്തെപ്പറ്റിയുള്ള ലേഖനമാണെന്നല്ലാതെ? “ഭാഷാപോഷിണി'യുടെ ആദ്യ ലക്കത്തിൽ 134 വർഷം മുൻപു വന്ന ചെറുകഥയുടെ തലക്കെട്ടാണിത്. മുഴക്കോത്തു കുമാരന്റേതാണ് കഥ.

മലയാളത്തിൽ ചെറുകഥയുടെ ആദ്യത്തെ പേര് ചെറുകഥ എന്നായിരുന്നില്ല. ഈ സാഹിത്യശാഖയെപ്പറ്റി എം.പി.പോൾ 1932-ൽ ഒരു പുസ്തകം പ്രസിദ്ധീകരിച്ചപ്പോൾ ഖണ്ഡകാവ്യത്തെ അനുസ്മരിച്ചു കൊണ്ട് "ഖണ്ഡകഥാപ്രസ്ഥാനം' എന്നാണ് പുസ്തകത്തിനു പേരു നൽകിയിരുന്നത്. 1946ൽ രണ്ടാം പതിപ്പ് ഇറക്കിയപ്പോൾ, അതിനകം ഉറച്ചു കഴിഞ്ഞിരുന്ന ചെറുകഥ എന്ന പേര് അദ്ദേഹം പുസ്തകത്തിനു നൽകുകയാണുണ്ടായത്.

“ഓട്ടോ ബയോഗ്രഫി ഓഫ് ആൻ അൺ നോൺ ഇന്ത്യൻ നിരാദ് സി. ചൗധരിയുടെ ആത്മകഥയാണ്. 2013ൽ ഇക്കണോമിക് ടൈംസി'ന്റെ മുൻ ഡപ്യൂട്ടി എഡിറ്റർ എം.കെ.ബി. നായർ എഴുതിയ ആത്മകഥയുടെ പേര്. “ദി അൺ നോൺ നായർ' എന്നായിരുന്നു. വർഷങ്ങൾക്കുശേഷം പാലൂർ എഴുതിയ ആത്മകഥ: "കഥയില്ലാത്തവന്റെ കഥ.

കേരളം മുഴുവൻ കളിച്ച ഒരു നാടകത്തിന് എത്ര വൈകി പേരിടാം?

കെ.ടി.മുഹമ്മദിന്റെ നാടകത്തിന്റെ വെളിച്ചം വിളക്ക്വഷിക്കുന്നു എന്ന മാരകമായ പേരു വന്നത് നാടകം അവതരിപ്പിച്ചു തുടങ്ങി ഏഴു വർഷം കഴിഞ്ഞാണ്. അതുവരെ ഊരും പേരും' എന്ന പേരിലാണ് അത് ഓടിയത്.