അമിതവേഗം വിനയാകുമ്പോൾ

34 മീറ്റർ അകലമുള്ള രണ്ടു വാഹനങ്ങൾ തമ്മിൽ കൂട്ടിയിടിക്കാൻ, കാൽ ആക്സിലറേറ്ററിൽനിന്നു ബ്രേക്കിലേക്ക് എത്താനെടുക്കുന്ന ഒരു സെക്കൻഡ് മാത്രം മതി.

- കെ.ജി.ദിലീപ് കുമാർ എംവിഐ, എസ് ആർടിഒ,

"റേസിങ് ട്രാക്കുകൾ എന്നെ ഒരിക്കലും ഭയപ്പെടുത്തിയിട്ടില്ല. പക്ഷേ, ഹൈവേകൾ ഭയപ്പെടുത്താറുണ്ട്. റേസർ ആണെന്നു സ്വയം കരുതുന്ന ചില വിഡ്ഢികളുടെ പാച്ചിൽ കാണുമ്പോൾ... ജുവാൻ മാനുവൽ ഫാംഗിയോ (റേസിങ് ലെജൻഡ്)

അമിതവേഗം നമ്മളെ ചെന്നെത്തി ക്കുന്നതു പലപ്പോഴും നരകജീവിതങ്ങളി ലേക്കായിരിക്കും. സ്റ്റോപ്പിങ് ഡിൻ സിലും റിയാക്ഷൻ ടൈമിലും റിഫ്ലക്സ് ആക്ഷനിലും ഉണ്ടായേക്കാവുന്ന മാറ്റം മാത്രമല്ല അപകടസാധ്യതകൾ. കാഴ്ചയിലും സമയത്തിലും ഊർജ കൈമാറ്റത്തിലും (Energy Transfer) ഉണ്ടാകുന്ന മാറ്റങ്ങളും പ്രധാനമാണ്.

വേഗവും കാഴ്ചയും

 വേഗം കാഴ്ചയെ ബാധിക്കും. നമ്മുടെ കാഴ്ച ദൃശ്യങ്ങൾ (frame) വേർതിരിച്ചെടു ക്കാനുള്ള കണ്ണിന്റെയും തലച്ചോറിന്റെയും കഴിവിനെ ആശ്രയിച്ചാണിരിക്കുന്നത്. വേഗം കൂടുംതോറും കണ്ണിൽ വീഴുന്ന കാഴ്ചകളുടെ എണ്ണം വർധിക്കുകയും അതു കാഴ്ച കുറയ്ക്കുകയും ചെയ്യും. വേഗം ദൃശ്യമണ്ഡലത്തെയും (visual field) ദൃശ്യപരിധിയെയും (peripheral vision) ബാധിക്കും. 40 കിലോമീറ്റർ വേഗപരിധിയിൽ പെരിഫറൽ വിഷൻ 100 ഡിഗ്രി ആണെങ്കിൽ അത് 100 കിലോമീറ്റർ വേഗതയിലെത്തുമ്പോൾ 30 ഡിഗ്രിയായി കുറയും. ഈ പരിധിക്കു പുറത്തുനിൽക്കുന്ന കാൽനടയാത്രക്കാരോ മറ്റ് അപകടസാധ്യതകളോ നമ്മുടെ കാഴ്ചയിൽ പെടില്ല. അതുകൊണ്ടുതന്നെ അപകടസാധ്യത വർധിക്കും.

വേഗവ്യത്യാസം

രണ്ടു വാഹനങ്ങൾ കൂട്ടിയിടിക്കുന്നത് ഒന്നിന്റെ പുറകിലാണോ, നേർക്കു നേരെയാണോ, വശങ്ങളിലാണോ എന്നതനുസരിച്ചു പരിക്കുകളിലും വ്യത്യാസം വരാം. മുൻപിലും പുറകിലുമായി സഞ്ചരിക്കുന്ന വാഹനങ്ങൾ കൂട്ടിയിടിക്കുമ്പോൾ ഉണ്ടാകുന്ന ആഘാതം ആ വാഹനങ്ങൾ തമ്മിലുള്ള വേഗവ്യത്യാസമായിരിക്കും. നേർക്കുനേരെ കൂട്ടിയിടിക്കുമ്പോൾ ആഘാതം ആ വാഹനങ്ങളുടെ വേഗങ്ങൾ തമ്മിൽ കൂട്ടിയാലുള്ളതായിരിക്കും.