സന്ധികൾക്ക് വേദന ആർത്രൈറ്റിസിന്റെ ലക്ഷണമോ?

സോഷ്യൽമീഡിയ വഴി പ്രചരിക്കുന്ന ആരോഗ്യ സംബന്ധമായ തെറ്റിധാരണകൾ അകറ്റാം. കൃത്യമായ വിശദീകരണങ്ങളുമായി ഡോ.ബി.പത്മകുമാർ പ്രിൻസിപ്പൽ, ഗവ. മെഡിക്കൽ കോളജ്, കൊല്ലം

- ഡോ.ബി.പത്മകുമാർ പ്രിൻസിപ്പൽ, ഗവ. മെഡിക്കൽ കോളജ്, കൊല്ലം

മഴക്കാലത്തെ തണുപ്പും അന്തരീക്ഷത്തിലെ ഉയർന്ന ഈർപ്പനിലയുമൊക്കെ സന്ധിവേദനകൾക്കും സന്ധികളുടെ വഴക്കക്കുറവിനും കാരണമാകാം. സന്ധികൾക്ക് വേദന ഉണ്ടായാൽത്തന്നെ സന്ധിവാത രോഗം (ആർത്രൈറ്റിസ്) ആണെന്ന് തെറ്റിധരിക്കുന്നവരുണ്ട്. വേദനസംഹാരികൾ വാങ്ങിക്കഴിച്ച് സ്വയം ചികിത്സ ചെയ്യുന്നവരും കുറവല്ല.

എന്നാൽ സന്ധിരോഗങ്ങളെല്ലാം സന്ധിവാത രോഗത്തിന്റെ ലക്ഷണമല്ല. അമിത അധ്വാനവും തെറ്റായ ഇരിപ്പും കിടപ്പുമൊക്കെ സന്ധിവേദനയുണ്ടാക്കാം. കൂടാതെ അമിതവണ്ണവും ഹോർമോൺ തകരാറുകളും വൈറൽ ഇൻഫെഷനുമൊക്കെ സന്ധികൾക്ക് നീർക്കെട്ടുണ്ടാക്കാം. ശരീര പരിശോധനയും ആവശ്യമായ രക്ത പരിശോധനകളും നടത്തി സന്ധിവേദനകൾ സന്ധിവാത രോഗമാണോ എന്നു കണ്ടുപിടിക്കാം.

ആർത്രൈറ്റിസിന്റെ ലക്ഷണങ്ങൾ