Smile please...

മനസ്സുതുറന്നു ചിരിക്കാൻ ആത്മവിശ്വാസത്തിനൊപ്പം പ്രധാനമാണ് ആരോഗ്യമുള്ള വായയും ശരിയായ പരിചരണവും

- 

സേ ചീസ്!!! ക്യാമറ ഫ്രയിമുറപ്പിച്ച് ആഞ്ഞൊന്നു ക്ലിക്കിയിട്ടും മുഖം നിറയെ മസിലുമായി ഒരേ നിൽപാണ്. ഇക്കിളിയിട്ടു തലകീഴു മറിച്ചാലും ചിരിക്കില്ലെന്നു പ്രതിജ്ഞ ചെയ്ത് വായു വയററ്റം വലിച്ചു കേറ്റി നിൽക്കുകയല്ലേ.

മനസ്സിന്റെ അടിത്തട്ടിലേക്ക് എപ്പോഴോ വീണ കല്ലു പോലെ മയങ്ങിക്കിടക്കുന്ന ഒരു ചിന്തയാകാം ഈ മസിലു പിടിത്തത്തിനു പിന്നിൽ. "ഞാൻ ചിരിച്ചാൽ അത്ര പോര. ഈ ചിന്തയൊന്നു തേച്ചുമാച്ചു കളഞ്ഞാലേ മനസ്സു തെളിഞ്ഞൊന്നു ചിരിക്കാനാകൂ. അതിനു പല്ലുകളുടെ സൗന്ദര്യം മാത്രം പോരാ വായയുടെ ആരോഗ്യവും മികച്ചതാകണം.

ദന്തപരിചരണം ഏതു പ്രായം മുതൽ തുടങ്ങണം ?

Ans: LET'S START EARLY

കുട്ടിക്കാലം മുതലേ പല്ലുകളുടെ ആരോ ഗ്യത്തിനായി നല്ല ശീലങ്ങൾ പാലിക്കേണ്ടതു പ്രധാനമാണ്. പാൽപ്പല്ലുകൾ കേടുവന്നു നശിച്ചാൽ അതിനെത്തുടർന്നു വരുന്ന സ്ഥിരദന്തങ്ങളും ക്രമം തെറ്റാനും പശ്നബാധിതമാകാനും സാധ്യത കൂടും.

കുഞ്ഞുങ്ങളിൽ പല്ലു കേടു വരാനുള്ള പ്രധാന കാരണം രാത്രി ഉറങ്ങാൻ കിടക്കുമ്പോൾ പാലിന്റെ അവശിഷ്ടം വായിൽ നിലനിൽക്കുന്നതാണ്. ഇത് അമ്ലമായി രൂപാന്തരപ്പെട്ടു പല്ലുകൾ ക്ഷയിക്കാൻ കാരണമാകും. നഴ്സിങ് ബോട്ടിൽ കാരീസ് എന്നാണ് ഇതിനു പറയുന്നത്. അമിതമായ കുപ്പിപ്പാൽ ഉപയോഗം അതു കൊണ്ടുതന്നെ കുറയ്ക്കാം. പുഴുപ്പല്ല് ഉണ്ടാകുന്നതു തടഞ്ഞു കുഞ്ഞിപ്പല്ലുകൾക്കു സംരക്ഷണമേകാൻ വൃത്തിയുള്ള തുണി കൊണ്ടു പല്ലുകൾ തുടയ്ക്കാം. സിലിക്കൺ ബ്രെഷും കുഞ്ഞിപ്പല്ലുകൾ വൃത്തിയാക്കാൻ ഉപയോഗിക്കാം.

ചെറിയ പ്രായം മുതൽ രണ്ടു നേരം ബ്രഷിങ് ശീലിപ്പിക്കാം. താടിയെല്ലുകളുടെ സ്വാഭാവിക വളർച്ചയ്ക്കു പാൽ പല്ലുകൾ ആവശ്യമാണ്. പാൽപ്പല്ലുകൾ കേടുവന്നാൽ ചികിത്സിച്ചു നിലനിർത്തണം. കൈവിരൽ കുടിക്കുക, നഖം കടിക്കുക, വായ് തുറന്ന് ഉറങ്ങുക, ചുണ്ടു കടിക്കുക തുടങ്ങിയ ചീത്ത ശീലങ്ങൾ പല്ലുകളുടെ വൈകല്യത്തിനു കാരണമായേക്കാം. ഇതു കഴിയുന്നത് തിരുത്തുക.

ദന്തവൈകല്യങ്ങൾക്കുള്ള ആധുനിക ചികിത്സകൾ എന്തൊക്കെയാണ് ?