റോബോട്ടുകളുടെ ചരിത്രം

- റോബോട്ടുകളുടെ പരിസരബോധ വും, വസ്തുക്കളുടെ സ്ഥാനവും അകലവും വലുപ്പവും ഉപരിതല വകതയും സാധ്യമാക്കുന്ന യന്ത്രഭാഗ ങ്ങൾ ഏതൊക്കെയെന്നും അവയുടെ പ്രവർത്തനങ്ങൾ എന്തൊക്കെയെ ന്നും വിവരിക്കുന്നു - റോബോട്ടുകളെ ഏറ്റവുമേറെ ഉപയോഗപ്പെടുത്തിക്കൊണ്ടിരി ക്കുന്ന വ്യവസായങ്ങളെ പരിചയ പെടുത്തുന്നു. കഴിഞ്ഞ അരനൂറ്റാണ്ടിന്റെ വ്യാവസാ യിക മുന്നേറ്റങ്ങളിൽ റോബോട്ടുകൾ നിർണ്ണായക സ്വാധീനം ചെലുത്തിയി ട്ടുണ്ടെന്നു അവകാശപ്പെടുന്നു.

- ഡോ. മനോജ് കോമത്ത്

റോബോട്ടുകൾ; ഘടകങ്ങൾ, ഘടന, പ്രയോഗം

 മനുഷ്യശേഷി ലഘൂകരിക്കാനു തകുന്ന, ജീവിതത്തിൽ നമ്മെ സഹാ യിക്കുന്ന നിരവധി ഓട്ടോമാറ്റിക് ഉപകരണങ്ങൾ ഇന്ന് ലഭ്യമാണ്. വീട്ടു പകരണങ്ങളെല്ലാംതന്നെ കഴിഞ്ഞ ദശകങ്ങളിൽ കൂടുതൽ കൂടുതൽ സ്വയം നിയന്ത്രണ സവിശേഷതകളോടെയാണ് പുറത്തിറങ്ങിക്കൊണ്ടിരിക്കുന്നത്. നമ്മുടെ സംസാരവും കൈയുടെ ആംഗ്യവും തിരിച്ചറിഞ്ഞു പ്രതികരിക്കുന്ന ഉപകരണങ്ങൾ വ്യാപകമായിക്കഴിഞ്ഞു. ഇവയും റോബോട്ടുകളും തമ്മിൽ എന്താണു വ്യത്യാസം എന്ന് സംശയം തോന്നുന്നത് സ്വാഭാവികം. റോബോട്ടുകളെക്കുറിച്ചുള്ള  അടിസ്ഥാന നിർവചനത്തിൽത്തന്നെ മനുഷ്യശേഷിക്കു പകരംവക്കാവുന്ന പ്രവർത്തനങ്ങൾ കാഴ്ചവെക്കുന്ന യ ന്ത്രങ്ങളായിരിക്കണം എന്നു പറയുന്നുണ്ട്. ജീവിതം സുഖകരമാക്കുക എന്നതാണു ലക്ഷ്യമെന്നും സൂചനയുണ്ട്. ഒരർഥത്തിൽ നല്ലൊരു ശത മാനം റോബോട്ടുകളും സ്വയം നിയന്ത്രിത യന്ത്രങ്ങൾ തന്നെ. എന്നാൽ, പരിസരത്തെ അറിയാനും വിവേചനശക്തിയോടെ പെരുമാറാനുമുള്ള കഴിവാണ് റോബോട്ടിന്റെ മുഖ്യ പ്രത്യേകത. പ്രവർത്തനങ്ങൾ പ്രോഗ്രാം വഴി ചിട്ടപ്പെടുത്താൻ പറ്റും എന്നത് വിശേഷിച്ചു പറയേണ്ടതുമില്ല.

പരിസരത്തെ അറിയുക എന്നതിന്റെ പ്രായോഗിക അർഥം യന്ത്രത്തിനകത്ത് സംവേദക സംവിധാനങ്ങളുണ്ട് (Sensors) എന്നതാണ്. വെളിച്ചം, ശബ്ദം, താപം, ത്വരണം, സ്പർശം, ഗന്ധം ഇവയിൽ ഏതെങ്കിലും ഒന്നിനോടോ, ഒരേസമയം പലതിനോടോ പ്രതികരിക്കാൻ കഴിവുള്ള സെൻസറുകൾ റോബോട്ടിൽ ഇണക്കിയിട്ടു ണ്ടാകും. വന്നെത്തുന്ന സംവേദനങ്ങൾ വിവേചിച്ചറിയലും ഉചിതമായി പ്രതികരിക്കലും അനുപേക്ഷണീയമാണ്. ഇവിടെയാണ് നിർമ്മിത ബുദ്ധി പ്രോഗ്രാമുകളുടെ പ്രാധാന്യം. അതിനായുള്ള പ്രോസസറുകളും ഇലക്ട്രോണിക് സർക്യൂട്ടുകളും റോബോട്ടിൽ ഉണ്ടാകണം. പ്രതികരണത്തിനായി ചലിക്കുവാനും ഏതെങ്കിലും ഭൗതിക പ്രകിയ (ശബ്ദമായോ വെളിച്ചമായോ താപനമായോ) ഉളവാക്കാനും ഉള്ള സംവിധാനങ്ങളും (Actuators) വേണം. സാങ്കേതികമായി പറഞ്ഞാൽ കമ്പ്യൂ ട്ടേഷൻ, ഓട്ടോമേഷൻ, ആർട്ടിഫിഷ്യൽ ഇന്റലിജൻസ് ഇവയുടെ സംഗമമാണ് റോബോട്ടിക്സ്.