உள்ள பாதுகாப்பு பொறிமுறைகளும் ஆளுமை கண்ணோட்டமும்

உளவியல், தனியவனின் நடவடிக்கைகளை அவன் வாழ்வின் அனைத்து பருவங்களிலும் ஆராய்கிறது. அவனது வாழ்வை பிறப்புக்கு முன்பிருந்து ஆரம்பித்துச் சிறு குழந்தைப் பருவம், முதிர்ச்சி பருவம், தளர்ச்சி பருவம் ஆகிய அனைத்து பருவங்களையும் ஆராய்கிறது. உளவியல் குழந்தை முதிர்ச்சி அடைந்தவுடன், இயல்பானவனை பிறழ்வானவுடன், மனிதனை விலங்குடன் ஒப்பிடுகின்றது.

- சரவணன் லக்ஷ்ஹரன், மூன்றாம் வருட உளவியல் துறை, யாழ். பல்கலைக்கழகம்.

அது ஒரு தனிமனிதனுக்கும் இன்னொருவருக்கும் இடையில் நாம் வேறுபாடுகளை ஆராய்வதில் அக்கறை காட்டுகின்றது. அது கற்றல், நினைவுறுத்தல், சிந்தனை செய்தல், பிரச்சினைக்குத் தீர்வு காணுதல் கற்பனை செய்தல், மெய்ப்பாடு, ஊக்க நிலை போன்ற நடவடிக்கையின் பொதுவான விதியில் பெருமளவு அக்கறை கொண்டுள்ளது.

உளவியல் பாதுகாப்பு பொறிமுறைகள் என்பது மனிதன் தனது வாழ்நாளில் அவனது உணர்வுகள், எண்ணங்கள், அல்லது நிகழ்வுகளைச் சமாளிக்க மக்கள் பயன்படுத்தும் உளவியல் ரீதியான உத்திகளையும் நடத்தைகளையும் குறிக்கின்ற தற்காப்பு நெறிமுறைகளாகக் காணப்படுகின்றது. இந்த தற்காப்பு பொறிமுறைகள் மனிதனது விருப்பு, வெறுப்புக்கு ஏற்ப அவன் சூழ்நிலையில் எவ்வாறு பிரயோகப்படுத்துகிறான்? என்பதைப் பொறுத்து அமையப் பெற்றுள்ளதாகக் காணப்படுகிறது. ஒரு செயலைத் தொடங்கும் போது அச்செயலின் ஏற்படும் நன்மை தீமைகளை அறிந்து அதில் மனிதன் நன்மைகளை மாத்திரம் தான் விரும்பத்தக்கவனாகக் காணப்படுகின்றான். தனது தீமைகள் இருந்து தான் விலகிச் செயல்படுவதற்கான பல்வேறு பட்ட பொறிமுறைகளை தன்னால் உணர்ந்தோ அல்லது சுயமாகவோ நிலையிலிருந்து விடுபட்டுச் செயல்பட முயல்கின்றான்.

இதன் காரணமாக அவனது பாதுகாப்பு பொறிமுறை ஆளுமையிலும் உளவியல் கண்ணோட்டமாக முக்கிய இடம் பிடிக்கின்றது. இதனை சிக்மண்ட் ஃப்ரைடின் உளவியல் ஆளுமை கூறுகளுடன் ஒப்பிட்டுப் பார்க்கும் பொழுது, இட்டீகோ மற்றும் சூப்பர் ஹீரோவின் தொடர்பு இங்கு முக்கியத்துவம் பெறுகிறது. தனது சுயநலத்தின் மீது உள்ள பிடிவாத குணத்தினால் மேலிருந்து காணப்படும் ஒவ்வொரு ஆசை விருப்பங்களையும் சமூகத்தின் எந்தவித கட்டுப்பாடுகளுக்கும் கீழ்படியாமல் தான் நிறைவேற்றிக் கொள்வதற்குத் துடிக்கும்போது, அதனைத் தடை செய்து ஈகோ வானது அதனை நடுநிலை வகித்து சமூகத்தின் விதிமுறைகளுக்குக் கட்டுப்பாடுகளுக்கு உட்பட்டு ஒரு தனி மனிதன் எதனைச் சாதிக்க வேண்டும் ...? எவ்வாறு நடந்து கொள்ள வேண்டும் ? சமூக ரீதியான விதிமுறைகள் என்னென்ன ?.. விளங்கப்படுத்தி மனிதனை ஒருநிலைப்படுத்தி சூழ்நிலைக்கு ஏற்றாற் போல் செயல்பட தூண்டுகின்றது.