મેળામાં મહાલ્યા મહાનુભાવો...

ચિત્રલેખાના અમૃત મહોત્સવની ઉજવણી એક રંગારંગ મેળા સમાન જ હતી.

- દીપક ધુરી પ્રજ્ઞેશ વ્યાસ જિતેન ગાંધી

ચિત્રલેખાના અમૃત મહોત્સવની ઉજવણી એક રંગારંગ મેળા સમાન જ હતી. મંચ પરના મુખ્ય અતિથિઓનું સ્વાગત મૌલિક કોટક, મનન કોટક, હીરેન મહેતા, રાજુલ કોટક અને અદિતિ કોટકે શાલ અને સ્મૃતિચિહ્નથી કર્યું હતું.

વીવીઆઈપી અતિથિની ચુસ્ત સુરક્ષાવ્યવસ્થામાં શિસ્તથી સહકાર આપીને વર્ષો જૂના વાચકોથી તથા વિવિધ ક્ષેત્રના આગેવાનોએ પ્રેક્ષકવર્ગ શોભાવ્યો હતો. આ પ્રસંગે મહારાષ્ટ્રના નાયબ મુખ્ય પ્રધાન એકનાથ શિંદે ચિત્રલેખાને ખાસ શુભેચ્છા આપવા થોડા સમય માટે પધાર્યા. મુંબઈના વિધાનસભ્યો યોગેશ સાગર, પરાગ અલવાણી, અમિત સાટમ, સંજય ઉપાધ્યાય, ભૂતપૂર્વ ધારાસભ્ય અતુલ શાહ, શ્રી વિલે પાર્લે કેળવણી મંડળના ઉપ-પ્રમુખ ભૂપેશ પટેલ, ટ્રસ્ટી સ્નેહા અંકિત પારેખ, મુંબઈની જાણીતી શૈક્ષણિક સંસ્થા નરસી મોનજી એજ્યુકેશન ટ્રસ્ટના જયરાજ ઠક્કર અને સુજય જયરાજ, વગેરેની મહિમામય હાજરીએ સમારોહને અલૌકિક રંગ આપ્યો.