પોતાની જાતના ભોગે તમારે મહાન બનવું છે?

સુપર વુમન બનવાના ધખારામાં તમારી સુખાકારીને કોરાણે ન મૂકી દો.

- ડૉ. અપર્ણા દેશમુખ

દ૨ વર્ષે મહિલા દિન નિમિત્તે સોશિયલ મિડિયા સ્ત્રી કેટલી અદ્ભુત છે...

એ વિશેની પોસ્ટથી ઊભરાઈ જાય છે. દરેક મહિલાના ફોનમાં મહિલા દિનની શુભેચ્છા પાઠવતા વ્યક્તિગત સંદેશા પણ જોવા મળે છે. ટીવી, રેડિયો, ઈન્ટરનેટ, દરેક જગ્યાએ લોકો પોતાના જીવનમાં નોંધપાત્ર મહિલાઓએ કરેલાં બલિદાનને વખાણે છે, એમનાં યોગદાનને યાદ કરે છે. આવા સંદેશા અને તસવીરોમાં તમે એક સ્ત્રીની છબી જોઈ હશે, જેને દેવી તરીકે દર્શાવવામાં આવે છે. એને ઘણા હાથ છે અને એણે લૅપટૉપ, વેલણ, થેલી, પર્સ, ફોન, વગેરે અલગ અલગ વસ્તુ પકડેલી હોય છે. આ ફોટો દર્શાવે છે કે સમાજ મહિલાઓ પાસેથી કેટલી અપેક્ષા રાખે છે.

પ્રેમાળ પત્ની, આદર્શ માતા, એક સફળ કારકિર્દી ધરાવતી મહિલા અને ઘરનાં બધાં કામકાજમાં નિપુણ એવી ગૃહિણી... આ બધી જ ભૂમિકા એકસાથે સહેલાઈથી ભજવવાની અપેક્ષા સ્ત્રી પાસેથી રાખવામાં આવે છે. આવી અવાસ્તવિક અપેક્ષાઓએ જન્મ આપ્યો છે સુપર વુમન સિન્ડ્રોમને, જેમાં મહિલાઓ પોતાની સુખાકારીને બાજુ પર મૂકી બીજા માટે બધું જ કરવાનું દબાણ અનુભવે છે.

શું છે આ ‘સુપર વુમન સિન્ડ્રોમ’?

સુપર વુમન સિન્ડ્રોમ એક એવી માનસિક સ્થિતિ છે, જ્યાં મહિલાઓ પોતાની જરૂરતો અને ઈચ્છાનું બલિદાન આપીને વધુપડતી જવાબદારી લેવા માટેની મજબૂરી અનુભવે છે. કૌટુંબિક અને અંગત જીવનને સંતુલિત કરવા માટે એ સતત સંઘર્ષ કરતી હોય છે. આ માનસિક સ્થિતિમાં સ્ત્રીઓ સતત તણાવગ્રસ્ત, થાકેલી રહે છે અને અસ્વસ્થતા અનુભવે છે.

‘સુપર વુમન સિન્ડ્રોમ’ કેમ થાય છે?